متّی 6:20 - کِتاب مُقدّس سرائیکی ترجمہ

²⁰ بلکہ آپنڑے کیتے اسمان اُتے خزانہ جمع کرو جِتھاں کیڑا تے زنگ خراب نئیں کریندا تے نہ چور سَندھ مار تے چوری کریندے ہِن۔

متّی دی راہِیں اِنجِیل سرائیکی بولی اِچ

²⁰ پَر اپݨی مال مݙی اَسمان اُتے کٹھی کرو جِتھاں نہ کیڑا اَتے نہ زنگال لڳ سڳدے اَتے نہ اُتھاں چور سَندھ مار کرائیں چوری کر سڳدِن۔

متّی 6:20 Referans Kwoze

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

متّی 19:21

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

1 تِیمُتھِیُس 6:19

اِینویں او آپنڑے کیتے ہِک چنگا خزانہ جمع کریسن یعنی آوݨ آلے زمانے کیتے ہِک مضبوط بنیاد، تے اِینویں حقیقی زندگی اُتے قبضہ کرݨ۔

لُوقا 18:22

جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

عبرانیوں 11:26

اُوں مسیح دی خاطر بے عزت تھیوݨ کُوں مِصر دے خزانیاں کنُوں وڈی دولت سمجھیا کیوں جو اُوندی نِگاہ اجر اُتے لگی ہوئی ہئی۔

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

متّی 6:19

آپنڑے کیتے زمین اُتے مال جمع نہ کرو جِتھاں کیڑا تے زنگ لگ ویندے تے چور سَندھ مار تے چوری کر گِھندے۔

مرقس 10:21

یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“