متّی 5:29 - کِتاب مُقدّس سرائیکی ترجمہ

²⁹ بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی دی راہِیں اِنجِیل سرائیکی بولی اِچ

²⁹ اَتے جے تیݙی سڄّی اَکھ تَیکُوں گُناہ کرَݨ کیتے اُبھارے تاں تُوں اُونکُوں کڈھ سَٹ کیوں جو تیݙے کیتے اِیہو چَنڳاں ہے جو تیݙے لِنڳیں اِچوں ہِک لِنڳ نہ رَہوے اَتے تیݙا سارا جسم دوزخ اِچ نہ سَٹیا وَنڄے۔

متّی 5:29 Referans Kwoze

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

1کُرِنتھِیوں 9:27

بلکہ مَیں آپنڑے بدن اُتے سختی کریندا ہاں تے اُونکُوں قابو ءچ رکھیندا ہاں، اِینویں نہ تھیوے جو ڈُوجھیاں کُوں تبلیغ کر تے، مَیں خود اِنعام تُوں محروم تھی وَنجاں۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

مرقس 8:36

تے بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟

متّی 19:12

کیوں جو کُجھ تاں جماندرُو شادی کرݨ دے قابل نئیں ہوندے، تے کُجھ کُوں لوکاں شادی کرݨ دے ناقابل بنڑا ڈِتے، تے کُجھ ایجھے ہِن جِنہاں اسمان دی بادشاہی دی خاطر غیر شادی شدہ راہنڑ قبول کیتا۔ جیہڑا قبول کر سگدے او قبول کرے۔“

متّی 10:28

اُنہاں کنُوں نہ ڈرو جیہڑے جِسم کُوں تاں قتل کر سگدے ہِن پر رُوح کُوں نئیں۔ بلکہ اُوں کنُوں ڈرو جیہڑا جِسم تے رُوح ڈوہائیں کُوں دوزخ ءچ سَٹ سگدے۔

متّی 23:15

منافق شریعت دے عالمو تے فریسیو، تُہاڈے اُتے افسوس۔ تُساں ہِک مُرید بنڑاوݨ کیتے تَری تے خشکی دا سفر کریندے ہیوے تے جِیں ویلے بنڑا گِھندے ہیوے تاں اُونکُوں آپنڑے کنُوں ڈُونڑا جہنم دا حقدار بنڑا ڈیندے ہیوے۔

متّی 16:26

بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟ یا بندہ آپنڑی جان دے بدلے کیا ڈیسی؟

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

متّی 23:33

سَپو! نانگ دے بالو! تُساں دوزخ دی سزا کنُوں کِینویں بچسو؟

لُوقا 12:5

پر مَیں تُہاکُوں چِتا ڈیندا ہاں جو کئیں کنُوں ڈرنڑا چاہیدے۔ اُوں کنُوں ڈرو جِینکُوں جان کنُوں مارݨ دے بعد دوزخ ءچ سَٹ ڈیوݨ دا اِختیار ہے۔ ہاں! مَیں تُہاکُوں آدھا ہاں جو اُونہی کنُوں ڈرو۔

متّی 5:30

تے جے تیڈا سجا ہتھ تَیں کنُوں گُناہ کراوے تاں اُونکُوں کپ سَٹ۔ کیوں جو تیڈے کیتے اِیہو چنگا ہے جو تیڈے سارے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 11:6

مُبارک ہے او جیہڑا میڈی وجہ کنُوں ٹھوکر نہ کھاوے۔“

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“