متّی 5:20 - کِتاب مُقدّس سرائیکی ترجمہ

²⁰ کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔

متّی دی راہِیں اِنجِیل سرائیکی بولی اِچ

²⁰ کیوں جو مَیں تُہاکُوں اَہداں جے تَئیِں تُساں خُدا دی مرضی پوری کرَݨ اِچ شرع دے عالمیں اَتے فرِیسیئیں کنُوں اَڳوں نہ وَدھسو، او تَئیِں اَسمان دی بادشاہی اِچ کݙاہیں نَئیِں وَنڄ سڳدے۔“

متّی 5:20 Referans Kwoze

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

متّی 7:21

میکُوں ’مالک! مالک!‘ آکھنڑ آلا ہر بندہ اسمان دی بادشاہی ءچ داخل نہ تھیسی، پر اُوہو جیہڑا میڈے اسمانی باپ دی مرضی اُتے ٹُردے۔

مُکاشفہ 21:27

کوئی ناپاک چیز یا کوئی گندے کم کرݨ آلا یا کُوڑ گھڑن آلا اُوندے ءچ کڈھائیں داخل نہ تھیسی، پر صرف اُوہو جِنہاں دے ناں لیلے دی کتاب ِ حیات ءچ لِکھے گئے ہِن۔

لُوقا 18:17

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بالاں وانگُوں قبول نہ کرے او اُوندے ءچ کڈھائیں داخل نہ تھیسی۔“

لُوقا 12:1

اِیں دوران ہزاراں لوکاں دی بِھیڑ لگ گئی، ایہ تئیں جو لوک ہِک بئے اُتے ڈھاندے پئے ہَن۔ وَل یسُوع سبھ تُوں پہلے آپنڑے شاگرداں کُوں ایہ آکھنڑ شروع کیتا جو ”فریسیاں دے خمیر یعنی اُنہاں دی منافقت کنُوں ہوشیار رہوائے۔

لُوقا 11:44

تُہاڈے اُتے افسوس! تُساں اُنہاں پوشیدہ قبراں وانگُوں ہیوے جِنہاں اُتوں لوک نہ جانڑدے ہوئے لنگھ ویندے ہِن۔“

مرقس 10:25

اُٹھ دا سُوئی دے نکے ءچوں لنگھ ونجنڑ، دولت مند دے خُدا دی بادشاہی ءچ داخل تھیوݨ کنُوں سوکھا ہے۔“

مرقس 10:15

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بال آلی کار قبول نہ کرے او اُوندے ءچ کڈھائیں داخل نہ تھیسی۔“

متّی 18:5

تے جیہڑا کوئی ایجھے بال کُوں میڈے ناں ءچ قبول کریندے او میکُوں قبول کریندے۔

متّی 3:10

تے ہُنڑ درختاں دی جڑھ اُتے کُہاڑا رکھ ڈِتا گئے۔ بس جیہڑا درخت چنگا پھل نئیں ڈیندا او کپیا تے بھاہ ءچ سٹیا ویندے۔

متّی 16:12

وَل اُنہاں دی سمجھ ءچ آیا جو یسُوع روٹی دے خمیر کنُوں نئیں بلکہ فریسیاں تے صدوقیاں دی تعلیم کنُوں خبردار راہنڑ کیتے آکھیا ہا۔

2کُرِنتھِیوں 3:9

جِیں ویلے قصُوروار کھڑاوݨ آلا نِظام جلالی ہا، تاں راستباز کھڑاوݨ آلا نِظام کِتنا زیادہ جلالی ہوسی۔