متّی 5:18 - کِتاب مُقدّس سرائیکی ترجمہ

¹⁸ کیوں جو مَیں تُہاکُوں سچ آدھا ہاں جو جئیں تئیں اسمان تے زمین ٹَل نہ ونجنڑ ہِک نقطہ یا ہِک شوشہ توریت ءچوں ہرگز نہ ٹَل سی جئیں تئیں سبھ کُجھ پُورا نہ تھی ونجے۔

متّی دی راہِیں اِنجِیل سرائیکی بولی اِچ

¹⁸ مَیں تُہاکُوں سچّ اَہداں جے تَئیِں اَسمان اَتے زمین فنا نہ تھی وَنڄے اُوں ویلے تَئیِں تورات اِچوں ہِک زیر زَبر وی نہ مِٹسی جے تَئیِں نبیئیں دی راہِیں آکھیاں ڳئیاں ساریاں ڳالھیں پوریاں نہ تھی وَنڄن۔

متّی 5:18 Referans Kwoze

لُوقا 16:17

پر اسمان تے زمین دا ٹَل ونجنڑ توریت دے ہِک شوشہ دے ٹَل ونجنڑ کنُوں بہُوں سوکھا ہے۔

1 پطرس 1:25

پر خُداوند دا کلام ہمیشاں تئیں قائم راہندے۔“ ایہ اُوہو خوشخبری دا کلام ہے جیہڑا تُہاکُوں سُنڑایا گئے۔

مرقس 13:30

مَیں تُہاکُوں سچ آدھا ہاں جو جئیں تئیں ایہ سبھ گالھیں پُوریاں نہ تھی ونجنڑ، اِیں نسل دا خاتمہ نہ تھیسی۔

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 13:17

کیوں جو مَیں تُہاکُوں سچ آدھا ہاں جو بہُوں سارے نبیاں تے راستبازاں کُوں آرزو ہئی جو جیہڑے گالھیں تُساں ڈیدھے ہیوے او وی ڈیکھنڑ پر نہ ڈیکھ سگے تے جیہڑے گالھیں تُساں سُنڑدے ہیوے سُنڑݨ پر نہ سُنڑ سگے۔

متّی 10:23

پر جِیں ویلے لوک تُہاکُوں ہِک شہر ءچ ستاوݨ تاں ڈُوجھے شہر کُوں بھج وَنجائے کیوں جو مَیں تُہاکُوں سچ آدھا ہاں جو اِیں کنُوں پہلے جو تُساں اِسرائیل دے سارے شہراں ءچ نہ پِھر گِھن سو، اِبنِ آدم آ ویسی۔

متّی 6:2

بس جِیں ویلے تُوں خیرات کریں تاں آپنڑے اگُوں ڈھنڈورہ نہ پِٹوا، جِینویں منافق عبادت خانیاں تے گلیاں ءچ نرسِنگا وجوا تے کریندے ہِن تاں جو لوک اُنہاں دی تعریف کرݨ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 5:26

مَیں تیکُوں سچ آدھا ہاں جو تُوں جئیں تئیں پائی پائی ادا نہ کریسیں اُتھوں کڈھائیں نہ چُھٹسیں۔

یُوحنّا 21:18

مَیں تیکُوں سچ آدھا ہاں جو جِیں ویلے تُوں جوان ہَویں تاں آپ ای آپنڑی چیل بدھیندا ہَویں تے جِتھاں دل آدھا ہا ٹُر پوندا ہَویں۔ پر جِیں ویلے تُوں بُڈھا تھی ویسیں تاں تُوں آپنڑے ہتھ ودھیسیں تے کوئی ڈُوجھا تیڈی چیل بدھیسی تے جِتھاں تُوں ونجنڑ وی نہ چاہسیں، تیکُوں گِھن ویسی۔“

یُوحنّا 16:23

اُوں ڈینہہ تُساں میڈے تُوں کُجھ نہ پُچھسو۔ مَیں تُہاکُوں سچ آدھا ہاں جو جے تُساں باپ کنُوں میڈے ناں تُوں کُجھ منگسو تاں او تُہاکُوں ڈیسی۔

یُوحنّا 16:20

مَیں تُہاکُوں سچ آدھا ہاں جو تُساں تاں روسو تے ماتم کریسو پر دُنیا خوش تھی سی۔ تُساں ڈُکھی تاں ہوسو پر تُہاڈا ڈُکھ ای خوشی ءچ بدل ویسی۔

یُوحنّا 14:12

مَیں تُہاکُوں سچ آدھا ہاں جو جیہڑا میڈے اُتے اِیمان رکھیندے او وی اُوہو کم کریسی جیہڑے مَیں کریندا ہاں بلکہ اِنہاں کنُوں وی وڈے کم کریسی کیوں جو مَیں باپ دے کولھ ویندا ہاں۔

یُوحنّا 13:38

یسُوع جواب ڈِتا، ”کیا تُوں واقعی میڈے کیتے آپنڑی جان ڈیسیں؟ مَیں تیکُوں سچ آدھا ہاں جو کُکڑ بانگ نہ ڈیسی جئیں تئیں تُوں ترے پھیری میڈا اِنکار نہ کر گِھن سیں۔“

یُوحنّا 13:16

مَیں تُہاکُوں سچ آدھا ہاں جو کوئی نوکر آپنڑے مالک کنُوں وڈا نئیں ہوندا تے نہ ای کوئی بھیجیا ہویا آپنڑے بھیجنڑ آلے کنُوں۔

یُوحنّا 12:24

مَیں تُہاکُوں سچ آدھا ہاں جو جئیں تئیں کنڑک دا دانڑا زمین ءچ ڈھے تے مر نئیں ویندا، کلھا راہندھے، پر جے او مر ونجے تاں بہُوں سارا پھل پیدا کریندے۔

یُوحنّا 10:7

بس یسُوع اُنہاں کُوں ولا آکھیا، ”مَیں تُہاکُوں سچ آدھا ہاں جو بھیڈاں دا دروازہ مَیں ہاں۔

یُوحنّا 10:1

”مَیں تُہاکُوں سچ آدھا ہاں جو جیہڑا کوئی بھیڈاں دے واڑے ءچ دروازے کنُوں داخل نئیں تھیندا بلکہ کہیں بئے پاسُوں ٹپ تے اندر آندے، او چور تے ڈاکو ہے۔

یُوحنّا 8:58

یسُوع اُنہاں کُوں آکھیا، ”مَیں تُہاکُوں سچ آدھا ہاں جو اِیں کنُوں پہلے جو ابرہام پیدا تھیّا، مَیں ہاں۔“

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

یُوحنّا 8:34

یسُوع اُنہاں کُوں جواب ڈِتا، ”مَیں تُہاکُوں سچ آدھا ہاں جو جیہڑا کوئی گُناہ کریندے او گُناہ دا غُلام ہے۔

یُوحنّا 6:53

یسُوع اُنہاں کُوں آکھیا، ”مَیں تُہاکُوں سچ آدھا ہاں جو جئیں تئیں تُساں اِبنِ آدم دا گوشت نہ کھاؤ تے اُوندا خون نہ پِیؤ، تُہاڈے ءچ زندگی نہ ہوسی۔

یُوحنّا 6:47

مَیں تُہاکُوں سچ آدھا ہاں جو جیہڑا کوئی اِیمان گِھن آندے، ہمیشاں دی زندگی اُوندی ہے۔

یُوحنّا 6:32

یسُوع اُنہاں کُوں آکھیا، ”مَیں تُہاکُوں سچ آدھا ہاں جو مُوسیٰ تاں تُہاکُوں اسمان تُوں او روٹی نہ ڈِتی بلکہ میڈا باپ تُہاکُوں اسمان تُوں حقیقی روٹی ڈیندا ہے۔

یُوحنّا 6:26

یسُوع جواب ڈِتا، ”مَیں تُہاکُوں سچ آدھا ہاں جو تُساں میکُوں اِیں واسطے نئیں گولھیندے جو میڈے معجزے ڈِٹھے بلکہ اِیں واسطے جو تُہاکُوں پیٹ بھر تے کھاوݨ کُوں روٹیاں مِلیا ہَن۔

یُوحنّا 3:11

مَیں تیکُوں سچ آدھا ہاں جو جیہڑا کُجھ اساں جانڑدے ہیں، اُوہو آدھے ہیں، تے جِینکُوں اساں ڈِٹھے اُوندی گواہی ڈیندے ہاں، پر تُساں ساڈی گواہی قبول نئیں کریندے۔

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یُوحنّا 1:51

وَل اُونکُوں آکھیا، ”مَیں تُہاکُوں سچ آدھا ہاں جو تُساں اسمان کُوں کُھلا تے خُدا دے فرشتیاں کُوں اُتے ویندے تے اِبنِ آدم اُتے لہندے ڈیکھسو۔“

لُوقا 23:43

یسُوع اُونکُوں آکھیا، ”مَیں تیکُوں سچ آدھا ہاں جو تُوں اَج ای میڈے نال فِردوس ءچ ہوسیں۔“

لُوقا 18:29

اُوں اُنہاں کُوں آکھیا، ”مَیں تُہاکُوں سچ آدھا ہاں جو ایجھا کوئی نئیں جئیں خُدا دی بادشاہی دی خاطر گھر یا ذال یا بِھرانواں یا ماء پِیُو یا بالاں کُوں چھوڑ ڈِتا ہووے۔

لُوقا 18:17

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بالاں وانگُوں قبول نہ کرے او اُوندے ءچ کڈھائیں داخل نہ تھیسی۔“

لُوقا 13:35

ڈیکھو، تُہاڈا گھر تُہاڈے کیتے ویران چھوڑیا ویندے تے مَیں تُہاکُوں آدھا ہاں جو تُساں میکُوں اُوں ویلے تئیں وَل نہ ڈیکھسو جئیں تئیں نہ اکھیسو جو ’مُبارک ہے او جیہڑا رب العالمین دے ناں تُوں آندے‘۔“

لُوقا 12:37

او نوکر مُبارک ہِن، جِنہاں کُوں اُنہاں دا مالک آ تے جاگدا ڈیکھے۔ مَیں تُہاکُوں سچ آدھا ہاں جو او خود تیار تھی تے اُونکُوں دسترخوان اُتے بِلھیسی تے اُنہاں دی خدمت کرݨ لگ ویسی۔

لُوقا 11:51

ہابل دے خون کنُوں گِھن تے اُوں زکریاہ دے خون تئیں جیہڑا قُربان گاہ تے ہیکل دے وچال ہلاک تھیّا۔ مَیں تُہاکُوں سچ آدھا ہاں جو اِیں زمانے دے لوکاں کنُوں سبھ دا حساب گِھدا ویسی۔

مرقس 14:30

یسُوع آکھیا، ”مَیں تیکُوں سچ آدھا ہاں جو اَج اِیں رات کُکڑ دے ڈُو پھیری بانگ ڈیوݨ کنُوں پہلے تُوں ترے پھیری میڈا اِنکار کریسیں۔“

مرقس 14:25

مَیں تُہاکُوں سچ آدھا ہاں جو انگُور دا رَس اُوں ڈینہہ تئیں ولا کڈھائیں نہ پِیساں، جئیں تئیں خُدا دی بادشاہی ءچ نواں نہ پِیواں۔“

مرقس 14:18

تے جِیں ویلے او بیٹھے کھاندے پئے ہَن تاں اُوں آکھیا، ”مَیں تُہاکُوں سچ آدھا ہاں جو تُہاڈے ءچوں ہِک جیہڑا میڈے نال کھانڑا کھاندے، میکُوں پکڑ ویسی۔“

مرقس 14:9

مَیں تُہاکُوں سچ آدھا ہاں جو ساری دُنیا ءچ جِتھاں وی اِنجیل دی تبلیغ کیتی ویسی اُتھاں اِیندی یادگاری ءچ اُوندے اِیں کم دا ذِکر وی کیتا ویسی۔“

مرقس 12:43

یسُوع شاگرداں کُوں کولھ سڈ تے آکھیا، ”مَیں تُہاکُوں سچ آدھا ہاں جو جیہڑے ہیکل دے خزانے ءچ سٹیندے پئے ہِن، اِیں غریب بیوہ اُنہاں سبھ کنُوں زیادہ سٹیا ہے۔

مرقس 11:23

مَیں تُہاکُوں سچ آدھا ہاں جو جیہڑا کوئی اِیں پہاڑ کُوں آکھے جو ’آپنڑی جاہ کنُوں پٹیج وَنج تے سمندر ءچ وَنج ڈھے،‘ تے آپنڑے دل ءچ شک نہ کرے بلکہ یقین رکھے جو جیہڑا کُجھ آدھے او تھی ویسی، تاں اُوندے کیتے اُوہو تھیسی۔

مرقس 10:29

یسُوع آکھیا، ”مَیں تُہاکُوں سچ آدھا ہاں جو جئیں وی میڈے تے خُدا دی اِنجیل دی خاطر آپنڑے گھر یا بِھرانواں یا بھینڑاں یا ماء یا پِیُو یا بالاں یا رَڑھاں کُوں چھوڑ ڈِتا ہووے،

مرقس 10:15

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بال آلی کار قبول نہ کرے او اُوندے ءچ کڈھائیں داخل نہ تھیسی۔“

مرقس 9:41

تے جیہڑا کوئی تُہاکُوں اِیں واسطے ہِک پیالہ پانڑی پِلیندے جو تُساں المسیح دے ہیوے، مَیں تُہاکُوں سچ آدھا ہاں جو او آپنڑا اجر ہرگز نہ ونجیسی۔

مرقس 9:1

یسُوع شاگرداں کُوں آکھیا، ”مَیں تُہاکُوں سچ آدھا ہاں جو جیہڑے اِتھاں کھڑے ہِن، اُنہاں ءچوں کُجھ ایجھے ہِن جو جئیں تئیں خُدا دی بادشاہی کُوں قُدرت نال ظاہر تھیندا نہ ڈیکھ گِھننڑ، ہرگز نہ مرسن۔“

مرقس 8:12

یسُوع لمبا ساہ گِھدا تے آکھیا، ”اِیں زمانے دے لوک نشان کیوں ڈیکھنڑ چاہندے ہِن؟ مَیں تُہاکُوں سچ آدھا ہاں جو اِیں زمانے دے لوکاں کُوں کوئی نشان نہ ڈِتا ویسی۔“

مرقس 6:11

تے جیہڑی جاہ دے لوک تُہاکُوں قبول نہ کرݨ تے تُہاڈی نہ سُنڑݨ تاں اُتھوں کنُوں روانہ تھیندے ویلے آپنڑے پیراں دی دھُوڑ چِھنڈک ڈیوائے تاں جو اُنہاں دے خلاف گواہی ہووے۔“

مرقس 3:28

مَیں تُہاکُوں سچ آدھا ہاں جو اِنساناں دے سارے گُناہ تے کُفر جیہڑے او کریندے تے بَکدے ہِن معاف کیتے ویسن۔

متّی 25:45

وَل او اُنہاں کُوں جواب ڈیسی، ’مَیں تُہاکُوں سچ آدھا ہاں جو جِیں ویلے تُساں اِنہاں ساریاں کنُوں چھوٹیاں ءچوں کہیں دے نال ایہ سلوک نہ کیتا تاں میڈے نال نہ کیتا۔‘

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

متّی 25:12

پر اُوں جواب ڈِتا، ’مَیں تُہاکُوں سچ آدھا ہاں جو مَیں تُہاکُوں نئیں جانڑدا۔‘

متّی 24:47

مَیں تُہاکُوں سچ آدھا ہاں جو او اُونکُوں آپنڑی ساری جائیداد دا مُختار بنڑا ڈیسی۔

متّی 24:2

اُوں اُنہاں کُوں آکھیا، ”کیا تُساں اِنہاں سبھ عمارتاں کُوں ڈیدھے ہیوے؟ مَیں تُہاکُوں سچ آدھا ہاں جو اِتھاں کوئی پتھر اُتے پتھر باقی نہ راہسی بلکہ سبھ کُجھ ڈھا ڈِتا ویسی۔“

متّی 23:36

مَیں تُہاکُوں سچ آدھا ہاں جو اِیں زمانے دے لوکاں کُوں اِنہاں سارے گالھیں دا ذمہ دار کھڑایا ویسی۔

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

متّی 21:21

یسُوع جواب ڈِتا، ”مَیں تُہاکُوں سچ آدھا ہاں جو جے اِیمان رکھو تے شک نہ کرو تاں تُساں نہ صرف او جیہڑا ہنجیر دے درخت نال تھئے کر سگسو، بلکہ جے اِیں پہاڑ کُوں وی اکھیسو جو ’پٹیج تے سمندر ءچ وَنج ڈھے‘ تاں اُونویں ای تھیسی۔

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

متّی 19:23

تے یسُوع آپنڑے شاگرداں کُوں آکھیا، ”مَیں تُہاکُوں سچ آدھا ہاں جو دولت مند دا اسمان دی بادشاہی ءچ داخل تھیوݨ مُشکل ہے۔

متّی 18:18

مَیں تُہاکُوں سچ آدھا ہاں جو جیہڑا کُجھ تُساں زمین اُتے بدھیسو او اسمان اُتے بدھیسی، تے جیہڑا کُجھ تُساں زمین اُتے کُھلیسو او اسمان اُتے کِھلسی۔

متّی 18:3

تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

متّی 11:11

مَیں تُہاکُوں سچ آدھا ہاں جو جیہڑے عورتاں ءچوں پیدا تھئے ہِن اُنہاں ءچوں یُوحنّا بپتسمہ ڈیوݨ آلے کنُوں وڈا کوئی نئیں تھیّا، پر جیہڑا اسمان دی بادشاہی ءچ سبھ تُوں چھوٹا ہے او اُوں کنُوں وڈا ہے۔

متّی 10:42

تے جیہڑا اِنہاں چھوٹیاں ءچوں کہیں کُوں میڈا شاگرد مَن تے ہِک پیالہ ٹھڈا پانڑی ای پِلیسی تاں مَیں تُہاکُوں آدھا ہاں او آپنڑا اجر ہرگز نہ ونجیسی۔“

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔

متّی 8:10

یسُوع ایہ سُنڑ تے حیران تھیّا تے او آپنڑے پِچُھوں آوݨ آلیاں کُوں آکھنڑ لگا جو ”مَیں تُہاکُوں سچ آدھا ہاں جو مَیں اِسرائیل ءچ وی ایجھا اِیمان نئیں ڈِٹھا۔

متّی 6:16

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

لُوقا 4:24

پر اُوں آکھیا، ”مَیں تُہاکُوں سچ آدھا ہاں جو کوئی نبی آپنڑے وطن ءچ مقبول نئیں تھیندا۔