متّی 5:17 - کِتاب مُقدّس سرائیکی ترجمہ

¹⁷ ایہ نہ سمجھو جو مَیں توریت یا نبیاں دے صحیفیاں کُوں منسوخ کرݨ آیا ہاں۔ منسوخ کرݨ نئیں بلکہ پُورا کرݨ آیا ہاں۔

متّی دی راہِیں اِنجِیل سرائیکی بولی اِچ

¹⁷ ”ایہ نہ سمجھو جو مَیں تورات یا نبیئیں دے صحیفے منسُوخ کرَݨ آیاں، مَیں منسُوخ کرَݨ نَئیِں بلکہ اِنہیں دی حقیقی تعلیم ݙیوَݨ اَتے سمجھاوَݨ آیاں۔

متّی 5:17 Referans Kwoze

رومیوں 10:4

کیوں جو مسیح شریعت دی تکمیل ہے تے نتیجے ءچ ہر اِیمان گِھن آوݨ آلا راستباز کھڑایا ویندے۔

لُوقا 16:17

پر اسمان تے زمین دا ٹَل ونجنڑ توریت دے ہِک شوشہ دے ٹَل ونجنڑ کنُوں بہُوں سوکھا ہے۔

رومیوں 8:4

تاں جو شریعت دے تقاضے ساڈے ءچ پُورے تھیوݨ، جیہڑے جِسمانی فطرت دے مطابق نئیں بلکہ رُوح القُدس دے مطابق زندگی گُزریندے ہیں۔

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

متّی 7:12

بس جِینویں تُساں چاہندے ہیوے جو لوک تُہاڈے نال کرݨ تُساں وی اُنہاں نال اُونویں ای کرو، کیوں جو توریت تے نبیاں دی تعلیم اِیہو ہے۔

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

اعمال 18:13

تے آکھنڑ لگے جو ”ایہ بندہ لوکاں کُوں ایجھے طریقہ نال خُدا دی عبادت کرݨ کیتے اُبھریندے جیہڑا ساڈی شریعت دے خلاف ہے۔“

اعمال 6:13

تے کُوڑے گواہ پیش کیتے جِنہاں آکھیا جو ”ایہ بندہ اِیں پاک مقام تے شریعت دے خلاف بولنڑ تُوں باز نئیں آندا،

یُوحنّا 8:5

مُوسیٰ توریت ءچ ساکُوں حُکم ڈِتے جو ایجھی عورت کُوں سنگسار کرو۔ بس تُساں کیا اکھیندے ہیوے؟“

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“