متّی 4:4 - کِتاب مُقدّس سرائیکی ترجمہ

⁴ اُوں جواب ءچ آکھیا، ”لِکھیا ہے جو ’اِنسان صرف روٹی نال ای زندہ نہ راہسی بلکہ ہر گالھ تُوں جیہڑی خُدا دے مُنہ ءچوں نِکلدی ہے‘۔“

متّی دی راہِیں اِنجِیل سرائیکی بولی اِچ

⁴ پَر اُوں جواب ݙِتا، ”خُدا دے کلام اِچ لکھیا لاتھے، ’زندہ رَہݨ کیتے اِنسان دی لوڑ صرف روٹی ای نَئیِں پَر خُدا دے مُونہہ دا کلام ای ہے۔‘“

متّی 4:4 Referans Kwoze

لُوقا 4:4

یسُوع اُونکُوں جواب ڈِتا، ”لِکھیا ہے جو اِنسان صرف روٹی نال ای زندہ نہ راہسی۔“

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

رومیوں 15:4

جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔

اِفِسیوں 6:17

تے نجات دا ٹوپ تے رُوح القُدس دی تلوار کُوں جیہڑی خُدا دا کلام ہے گِھن گِھنو۔

لُوقا 4:8

یسُوع جواب ءچ اُونکُوں آکھیا، ”لِکھیا ہے جو تُوں رب آپنڑے خُدا کُوں سجدہ کر، تے صرف اُوندی ای عبادت کر۔“

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

متّی 4:7

یسُوع اُونکُوں آکھیا، ”ایہ وی لِکھیا ہے جو تُوں رب آپنڑے خُدا دی ازمائش نہ کر۔“

لُوقا 4:12

یسُوع جواب ءچ اُونکُوں آکھیا، ”فرمایا گِیا ہے جو تُوں رب آپنڑے خُدا دی ازمائش نہ کر۔“

متّی 15:11

جیہڑی چیز مُنہ ءچ ویندی ہے او بندے کُوں ناپاک نئیں کریندی، پر جیہڑی چیز مُنہ ءچوں نِکلدی ہے اُوہو بندے کُوں ناپاک کریندی ہے۔“

مرقس 7:20

وَل اُوں آکھیا، ”جیہڑا کُجھ اِنسان ءچوں نِکلدے، اُوہو اُونکُوں ناپاک کریندے۔

یُوحنّا 15:26

پر جِیں ویلے او مددگار آسی جِینکُوں مَیں تُہاڈے کولھ باپ دی طرفوں بھجیساں، یعنی سچائی دا رُوح جیہڑا باپ دی طرفوں صادر تھیندا ہے تاں او میڈی گواہی ڈیسی۔