متّی 4:3 - کِتاب مُقدّس سرائیکی ترجمہ

³ وَل ابلیس کولھ آ تے اُونکُوں آکھیا، ”جے تُوں خُدا دا پوتر ہیں تاں اِنہاں پتھراں کُوں آکھ جو ایہ روٹیاں بنڑ ونجنڑ۔“

متّی دی راہِیں اِنجِیل سرائیکی بولی اِچ

³ اَتے شیطان، یِسُوع کولھ آ کرائیں اَزماوَݨ کیتے آکھیا، ”جے تُوں خُدا دا پُتر ہَئیِں تاں آکھ ݙے جو ایہ پَتھر روٹیاں بݨ وَنڄن۔“

متّی 4:3 Referans Kwoze

1تھِسّلُنیکیوں 3:5

اِیں واسطے جڈاں مَیں مزید برداشت نہ کر سگیا تاں تُہاڈے اِیمان دا حال پتا کرݨ کیتے تِیمُتِھیُس کُوں بھیجیا، کِتھائیں اِینویں نہ تھیوے جو شیطان تُہاکُوں ازمایا ہووے تے ساڈی محنت بے فائدہ تھی گئی ہووے۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

عبرانیوں 12:16

خبردار، نہ کوئی زِناکار ہووے یا نہ عیسو وانگُوں بے دین، جئیں ہِک وقت دے کھانڑے کیتے آپنڑے پلیٹھی دے حق کُوں ویچ ڈِتا۔

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

لُوقا 4:9

آخر ءچ ابلیس اُونکُوں یروشلیم ءچ گِھن گِیا تے ہیکل دے منارے اُتے کھڑا کر تے اُونکُوں آکھیا، ”جے تُوں خُدا دا پوتر ہیں تاں آپنڑے آپ کُوں تلے سَٹ ڈے۔

لُوقا 4:3

ابلیس اُونکُوں آکھیا جو ”جے تُوں خُدا دا پوتر ہیں تاں اِیں پتھر کُوں آکھ جو روٹی بنڑ ونجے۔“

متّی 14:33

تے وَل جیہڑے لوک کشتی ءچ ہَن اُنہاں اُونکُوں سجدہ کر تے آکھیا، ”یقیناً تُساں خُدا دے پوتر ہیوے۔“

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

مرقس 1:1

خُدا دے پوتر یسُوع مسیح دے بارے ءچ خوشخبری دا شروع ایہ ہے۔

مرقس 3:11

تے بدرُوحاں وی جیہڑے ویلے اُونکُوں ڈیدھیاں ہَن، اُوندے سامنڑے ڈھے تے چیخنڑ پے ویندیاں ہَن جو ”تُوں خُدا دا پوتر ہیں۔“

مرقس 5:7

تے زور نال چیخدے ہوئے آکھیا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیکُوں خُدا دا واسطہ، میکُوں عذاب ءچ نہ سَٹ۔“

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

لُوقا 4:41

تے بہُوں ساریاں ءچوں بدرُوحاں ایہ آدھیاں ہوئیاں نِکل گئیاں جو تُوں خُدا دا پوتر ہیں۔ پر او اُنہاں کُوں دَڑکدا تے بولنڑ نہ ڈیندا ہا کیوں جو او جانڑدیاں ہَن جو ایہ المسیح ہے۔

لُوقا 22:70

اِیں تُوں او سارے آکھنڑ لگے، ”کیا تُوں خُدا دا پوتر ہیں؟“ اُوں اُنہاں کُوں آکھیا، ”تُساں خود آدھے ہیوے جو مَیں ہاں۔“

یُوحنّا 1:34

بس مَیں ڈِٹھے تے گواہی ڈِتی ہے جو ایہ خُدا دا پوتر ہے۔“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 9:35

جِیں ویلے یسُوع ایہ سُنڑیا جو اُنہاں اُونکُوں باہر کڈھ ڈِتے، تاں اُوں اُونکُوں گولھ تے آکھیا ”کیا تُوں اِبنِ آدم اُتے اِیمان گِھن آندیں؟“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

2کُرِنتھِیوں 1:19

کیوں جو خُدا دے پوتر یسُوع مسیح، جیندی تبلیغ سِیلاس، تِیمُتِھیُس تے مَیں تُہاڈے وچال کیتی، اُوندے ءچ ”ہاں“ تے ”نہ“ ڈوہائیں نہ ہَن بلکہ اُوندے ءچ ہمیشاں ”ہاں“ ای ہئی۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 7:3

اُوندے ماء پِیُو بلکہ اُوندے پِیُو ڈاڈے دا وی کوئی ذِکر نئیں تے نہ ای اُوندی زندگی دے شروع یا آخر دا۔ بلکہ او خُدا دے پوتر وانگُوں ہمیشاں تئیں کاہِن ہے۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔