متّی 4:24 - کِتاب مُقدّس سرائیکی ترجمہ

²⁴ یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی دی راہِیں اِنجِیل سرائیکی بولی اِچ

²⁴ اَتے یِسُوع دی سارے صوبہ سُوریہ اِچ مشہوری تھی ڳئی اَتے لوک اپݨے سارے بیماریں کُوں اُوندے کولھ گھِن آوَݨ لڳے جیرھے طرحاں طرحاں دی بیمارئیں دے شکار ہَن جیویں جو کمزوری، ݙُکھ، بَد‌رُوح گرفتہ، مِرگی اَتے فالج دا شکار ہَن اُنہیں کُوں یِسُوع شِفا ݙِتی۔

متّی 4:24 Referans Kwoze

متّی 17:15

”مالک! میڈے پوتر اُتے رحم کرو کیوں جو اُونکُوں مِرگی دا دورہ پوندے تے او بہُوں ڈُکھ چیندے۔ اِیں وجہ کنُوں اکثر بھاہ تے پانڑی ءچ ڈھے پوندے۔

متّی 8:6

”میڈے مالک! میڈا نوکر فالج دا ماریا گھر ءچ پِیا ہے تے بہُوں تکلیف ءچ ہے۔“

لُوقا 5:15

پر یسُوع دے بارے ءچ خبر مزید کِھنڈ گئی تے بہُوں سارے لوک جمع تھی گئے تاں جو اُوندی سُنڑݨ تے آپنڑیاں بیماریاں کنُوں شِفا پاوݨ۔

لُوقا 2:2

ایہ پہلی مردم شماری سُوریہ دے گورنر کورنِیُس دے دور ءچ تھئی۔

متّی 17:18

یسُوع بدرُوح کُوں دَڑکا ڈِتا تاں او چھوہر ءچوں نِکل گئی تے چھوہر اُوں ویلے ای چنگا تھی گِیا۔

متّی 15:22

تے ہِک کنعانی تریمت اُنہاں سرحداں ءچوں نِکلی تے اُچی اواز ءچ آکھنڑ لگی، ”مالک، اِبنِ ِ داؤد! میڈے اُتے رحم کرو۔ میڈی دِھی ءچ ہِک بدرُوح ہے جیہڑی اُونکُوں بہُوں ستیندی ہے۔“

متّی 12:22

اُوں ویلے لوک یسُوع دے کولھ ہِک اندھے گُونگے بندے کُوں گِھن آئے جیندے ءچ بدرُوح ہئی۔ اُوں اُونکُوں چنگا کر ڈِتا۔ وَل او اندھا گُونگا ڈیکھنڑ تے بولنڑ لگ گِیا۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 15:23

تے اُنہاں دے ہتھ ایہ خط بھیجیا جو رسُولاں تے بزُرگ بِھرانواں دی طرفوں انطاکِیہ، سُوریہ تے کلکیہ دے اُنہاں مسیحی بِھرانواں کُوں جیہڑے غیر قوماں ءچوں ہِن، سلام پُجے۔

مرقس 2:3

تے لوک ہِک فالج دے مریض کُوں چار بندیاں کنُوں چوا تے اُوندے کولھ گِھن آئے۔

مرقس 1:32

شام ویلے سِجھ لہندے ای لوک اُتھوں دے سارے بیماراں کُوں تے اُنہاں کُوں جِنہاں ءچ بدرُوحاں ہَن، اُوندے کولھ گِھن آئے۔

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

اعمال 15:41

پولُس سُوریہ تے کلکیہ ءچوں تھیندا ہویا کلیسیاواں کُوں مضبوط کریندا گِیا۔

لُوقا 4:14

وَل یسُوع رُوح القُدس دی قوت نال بھریج تے گلیل ءچ واپس آیا تے چودھارُوں اُوندی مشہوری تھی گئی۔

مرقس 1:28

یسُوع دی مشہوری بہُوں جلدی گلیل دے چودھارُوں ہر جاہ تھی گئی۔

متّی 14:1

اُوں ویلے ہیرودیس جیہڑا مُلک دے چوتھائی حصے اُتے حکُومت کریندا، ہا یسُوع دی شُہرت سُنڑی،

یُوحنّا 10:21

بئے بندیاں آکھیا، ”ایہ ایجھے بندے دے گالھیں نئیں جیندے ءچ بدرُوح ہووے۔ کیا کوئی بدرُوح اندھیاں دے اکھیں کھول سگدی ہے؟“

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

متّی 9:26

تے اِیں گالھ دی شُہرت اُوں سارے علاقے ءچ کِھنڈ گئی۔

متّی 8:28

جِیں ویلے او اُوں پار گدرِینِیاں دے علاقے ءچ پُجیا تاں ڈُو بندے جِنہاں ءچ بدرُوحاں ہَن قبراں ءچوں نِکل تے اُونکُوں مِلے۔ او ایجھے خطرناک ہَن جو کوئی اُوں رستے کنُوں لنگھ نہ سگدا ہا۔

متّی 8:33

وَل اُنہاں دے چراوݨ آلے بھجے تے شہر وَنج تے لوکاں کُوں سارا قصہ سُنڑایا تے جِنہاں ءچ بدرُوحاں ہَن اُنہاں دا حال وی ڈسایا۔

مرقس 2:4

پر جِیں ویلے او اُوں بیمار کُوں بِھیڑ دی وجہ کنُوں اُوندے کولھ نہ گِھن آ سگے تاں چھت اُتے چڑھ گئے، تے اُنہاں چھت دا او حصہ اُکھیڑ ڈِتا جِتھاں یسُوع ہا تے اُونکُوں اُدھیڑ تے اُوں کَھٹ کُوں جیندے اُتے فالج دا مریض ہا لٹکا ڈِتا۔

مرقس 2:9

کیا فالج دے مریض کُوں ایہ آکھنڑ اسان ہے جو ’تیڈے گُناہ معاف تھئے‘ یا ایہ آکھنڑ جو ’اُٹھی، آپنڑی کَھٹ چا تے ٹُر پِھر؟‘

لُوقا 4:38

وَل یسُوع عبادت خانہ کنُوں نِکل تے شمعون دے گھر گِیا۔ شمعون دی سس کُوں سخت بُخار ہا، تے اُنہاں یسُوع تُوں اُوندے کیتے درخاست کیتی۔

لُوقا 5:24

پر مَیں چاہندا ہاں جو تُہاکُوں پتہ لگے جو اِبنِ آدم کُوں زمین اُتے گُناہ معاف کرݨ دا اِختیار ہے۔“ وَل اُوں فالج دے مریض کُوں آکھیا، ”مَیں تیکُوں آدھا ہاں، اُٹھی تے آپنڑی کَھٹ چا تے گھر لگا وَنج۔“

اعمال 8:7

کیوں جو بہُوں سارے لوکاں ءچوں بدرُوحاں وڈی اواز نال چیخاں مار تے نِکل گئیاں تے بہُوں سارے مفلُوج تے منڈے چنگے کیتے گئے۔

لُوقا 7:17

تے یسُوع دے بارے ءچ ایہ خبر سارے یہُودیہ تے آسُوں پاسُوں کِھنڈ گئی۔

اعمال 28:9

جِیں ویلے اِینویں تھیّا تاں اُوں جزیرے دے باقی مریض وی آ تے شِفا پاوݨ لگے۔