متّی 4:19 - کِتاب مُقدّس سرائیکی ترجمہ

¹⁹ تے اُنہاں کُوں آکھیا، ”میڈے پِچُھوں آؤ تے مَیں تُہاکُوں خُدا کیتے بندے پکڑن آلا بنڑیساں۔“

متّی دی راہِیں اِنجِیل سرائیکی بولی اِچ

¹⁹ اَتے اُوں اُنہیں کُوں آکھیا، ”میݙے پِچھُوں ٹُر پوؤ اَتے جیویں تُساں مچھیاں کٹھیاں کریندو اِیویں مَیں تُہاکُوں لوکیں کُوں کٹھا کرَݨ آلا بݨیساں تاں جو او میݙے شاگِرد بݨݨ۔“

متّی 4:19 Referans Kwoze

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

لُوقا 9:59

وَل اُوں ڈُوجھے کُوں آکھیا، ”میڈے پِچُھوں ٹُر۔“ اُوں آکھیا، ”مالک! میکُوں اِجازت ڈیؤ جو مَیں پہلے وَنج تے آپنڑے پِیُو کُوں دفن کراں۔“

یُوحنّا 21:22

یسُوع اُونکُوں آکھیا، ”جے مَیں چاہواں جو ایہ میڈے ولنڑ تئیں زندہ راہوے تاں اِیندے نال تیکُوں کیا؟ تُوں میڈے پِچُھوں ٹُر۔“

یُوحنّا 1:43

ڈُوجھے ڈینہہ یسُوع گلیل ءچ ونجنڑ دا اِرادہ کیتا تے فِلپُس کُوں آکھیا، ”میڈے پِچُھوں تھی پو۔“

لُوقا 5:27

اِنہاں گالھیں دے بعد یسُوع باہر گِیا تے ہِک محصُول گِھننڑ آلے کُوں جِیندا ناں لاوی ہا، محصُول دی چوکی اُتے بیٹھے ڈِٹھا تے اُونکُوں آکھیا، ”میڈے پِچُھوں تھی پو۔“

مرقس 2:14

اُتھوں لنگھدے ہوئے اُوں حلفئی دے پوتر لاوی کُوں محصُول دی چوکی اُتے بیٹھے ڈِٹھا تے اُونکُوں آکھیا، ”میڈے پِچُھوں تھی پو۔“ تے او اُٹھی تے اُوندے پِچُھوں تھی پِیا۔

متّی 19:21

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

متّی 9:9

یسُوع اُتھوں کنُوں اگُوں ودھ تے متّی ناں دے ہِک محصُول گِھننڑ آلے کُوں محصُول دی چوکی اُتے بیٹھے ڈِٹھا تے اُونکُوں آکھیا، ”میڈے پِچُھوں تھی پو۔“ او اُٹھی تے اُوندے پِچُھوں تھی پِیا۔

متّی 8:22

یسُوع اُونکُوں آکھیا، ”تُوں میڈے پِچُھوں آ، تے مُردیاں کُوں آپنڑے مُردے دفن کرݨ ڈے۔“

2کُرِنتھِیوں 12:16

بے شک مَیں خود تُہاڈے اُتے بھار نہ سٹیا پر کُجھ لوک ایہ سمجھدے ہِن جو مَیں مکار ہاں تے تُہاکُوں دوکھا ڈے تے پَھسا گِھدے۔

متّی 4:18

گلیل دی جھیل دے کنارے اُتے ٹُردے ہوئے یسُوع ڈُو بِھرانواں، شمعون جیہڑا پطرس اکھویندا ہا تے اُوندے بِھرا اندریاس، کُوں جھیل ءچ جال سٹیندے ڈِٹھا کیوں جو او مچھیرے ہَن۔

متّی 4:20

او فوراً آپنڑے جال چھوڑ تے اُوندے پِچُھوں ٹُر پئے۔