متّی 4:18 - کِتاب مُقدّس سرائیکی ترجمہ

¹⁸ گلیل دی جھیل دے کنارے اُتے ٹُردے ہوئے یسُوع ڈُو بِھرانواں، شمعون جیہڑا پطرس اکھویندا ہا تے اُوندے بِھرا اندریاس، کُوں جھیل ءچ جال سٹیندے ڈِٹھا کیوں جو او مچھیرے ہَن۔

متّی دی راہِیں اِنجِیل سرائیکی بولی اِچ

¹⁸ اَتے جݙّاں یِسُوع صوبہ گلِیل دی جھیل دے کنارے ٹُردا ویندا ہا تاں اُوں ݙُو بِھراویں کُوں ݙٹھا، ہِک شمعُون جَینکُوں پطرس اَہدِن اَتے ݙُوجھا اُوندا بِھرا اندریاس، او ݙُوہائیں جھیل اِچ ڄال سٹیندے پئے ہَن کیوں جو او مچھیرے ہَن۔

متّی 4:18 Referans Kwoze

متّی 10:2

بارہاں رسُولاں دے ناں ایہ ہِن۔ پہلا شمعون جیہڑا پطرس اکھویندے تے اُوندا بِھرا اندریاس، زبدی دا پوتر یعقُوب تے اُوندا بِھرا یُوحنّا،

لُوقا 6:14

یعنی شمعون جِیندا ناں اُوں پطرس وی رکھیا، تے اُوندا بِھرا اندریاس، تے یعقُوب، یُوحنّا، فِلپُس، بَرتُلمائی،

متّی 16:18

تے مَیں وی تیکُوں آدھا ہاں جو تُوں پطرس ہیں، تے مَیں اِیں چٹان اُتے آپنڑی کلیسیا قائم کریساں تے موت وی اُوندے اُتے غالب نہ آ سگسی۔

متّی 15:29

وَل یسُوع اُتھوں کنُوں نِکل تے گلیل دی جھیل دے نیڑے آیا تے پہاڑ اُتے چڑھ تے اُتھائیں بہہ گِیا۔

یُوحنّا 6:1

اِنہاں گالھیں دے بعد یسُوع گلیل دی جھیل دے پار گِیا، جِینکُوں تِبریاس دی جھیل وی اکھیندے ہِن۔

یُوحنّا 21:1

اِنہاں گالھیں دے بعد یسُوع ہِک پھیری وَل آپنڑے آپ کُوں شاگرداں اُتے تِبریاس دی جھیل دے کنارے ظاہر کیتا۔ تے اِینویں ظاہر کیتا۔

یُوحنّا 6:8

اُوندے شاگرداں ءچوں ہِک، یعنی اندریاس جیہڑا شمعون پطرس دا بِھرا ہا، اُونکُوں آکھیا،

مرقس 7:31

وَل یسُوع صور دے علاقے کنُوں نِکل تے صیدا دے رستے کنُوں دکُپُلس دے علاقے کنُوں تھیندا ہویا گلیل دی جھیل اُتے پُجیا۔

متّی 4:19

تے اُنہاں کُوں آکھیا، ”میڈے پِچُھوں آؤ تے مَیں تُہاکُوں خُدا کیتے بندے پکڑن آلا بنڑیساں۔“