متّی 4:11 - کِتاب مُقدّس سرائیکی ترجمہ

¹¹ وَل ابلیس اُوندے کنُوں چلیا گِیا تے فرشتے آ تے اُوندی خدمت کرݨ لگے۔

متّی دی راہِیں اِنجِیل سرائیکی بولی اِچ

¹¹ اِیندے بعد اِبلیس لڳا ڳیا اَتے ݙیکھو فرِشتے آ کرائیں یِسُوع دی خدمت کرَݨ لڳے۔

متّی 4:11 Referans Kwoze

متّی 26:53

تیکُوں پتہ نئیں جو مَیں آپنڑے باپ کنُوں مِنت کر سگدا ہاں تے او ہُنڑیں فرشتیاں دے بارہاں لشکراں کنُوں وی زیادہ میڈے کولھ بھیج ڈیسی؟

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

لُوقا 22:43

تے اسمان کنُوں ہِک فرشتہ اُوندے اُتے ظاہر تھیّا جیہڑا اُوندا حوصلہ ودھیندا پِیا ہا۔

لُوقا 4:13

جِیں ویلے ابلیس ساریاں ازمائشاں کر گِھدیاں تاں کُجھ عرصہ کیتے اُونکُوں چھوڑ ڈِتا۔

عبرانیوں 1:6

تے وَل جِیں ویلے خُدا آپنڑے پلوٹھے کُوں دُنیا ءچ گِھن آندے تاں اکھیندے جو ”خُدا دے سبھ فرشتے اُونکُوں سجدہ کرݨ۔“

یُوحنّا 14:30

اِیندے بعد مَیں تُہاڈے نال زیادہ گالھیں نہ کریساں کیوں جو اِیں دُنیا دا سردار آندا ہے۔ اُونکُوں میڈے اُتے کوئی اِختیار نئیں،

لُوقا 22:53

جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

مرقس 1:13

او چالیہہ ڈینہہ تئیں بیابان ءچ ریہا تے شیطان کنُوں ازمایا گِیا۔ او جنگلی جانوراں دے نال ریہا تے فرشتے اُوندی خدمت کریندے ریہے۔

متّی 4:6

”جے تُوں خُدا دا پوتر ہیں تاں آپنڑے آپ کُوں تلے سَٹ ڈے کیوں جو لِکھیا ہے جو ’او تیڈے کیتے آپنڑے فرشتیاں کُوں حُکم ڈیسی تے او تیکُوں آپنڑے ہتھاں اُتے چا گِھنسن اِینویں نہ تھیوے جو تیڈے پیراں کُوں پتھر نال دھک لگے‘۔“

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔