متّی 3:7 - کِتاب مُقدّس سرائیکی ترجمہ

⁷ پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

متّی دی راہِیں اِنجِیل سرائیکی بولی اِچ

⁷ اَتے ٻَہُوں سارے فرِیسی اَتے صدوقی وی اُتھاں بپتِسمہ گھِنݨ اُوندے کولھ آئے اَتے اُنہیں کُوں ݙیکھ کرائیں اُوں آکھیا، ”اَے نانگیں دی اولاد! کَئیں تُہاکُوں چِتائے جو آوَݨ آلے غضب کنُوں بھڄو؟

متّی 3:7 Referans Kwoze

متّی 12:34

نانگ دے بالو! تُساں بُرے تھی تے کِینویں چنگے گالھیں آکھ سگدے ہیوے؟ کیوں جو جیہڑا دل ءچ ہوندے اُوہو زبان اُتے آندے۔

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

رومیوں 1:18

پر خُدا دا قہر اُنہاں لوکاں دی ساری بے دینی تے بدکاری اُتے اسمان کنُوں ظاہر تھیندے جیہڑے سچائی کُوں آپنڑی بدکاری نال دبا ڈیندے ہِن۔

متّی 23:33

سَپو! نانگ دے بالو! تُساں دوزخ دی سزا کنُوں کِینویں بچسو؟

رومیوں 5:9

جڈاں مسیح دے خون دے وسیلے نال اساں راستباز کھڑائے گئے تاں ایہ گالھ زیادہ یقینی ہے جو اساں اُوندے وسیلے خُدا دے عذاب تُوں بچ ویسوں۔

متّی 22:23

اُوں ڈینہہ صدوقی جیہڑے قیامت دے مُنکر ہَن اُوندے کولھ آئے تے اُوں کنُوں ایہ پُچھیا جو

متّی 16:6

یسُوع اُنہاں کُوں آکھیا، ”خبردار فریسیاں تے صدوقیاں دے خمیر کنُوں ہوشیار رہوائے۔“

1 یُوحنّا 3:10

اِتُھوں پتہ چلدے جو کیہڑے خُدا دے فرزند ہِن تے کیہڑے ابلیس دے۔ جیہڑا نیک کم نئیں کریندا تے آپنڑے بِھرانواں نال محبت نئیں رکھیندا، او خُدا دا بندہ کائنی۔

یُوحنّا 9:40

کُجھ فریسی جیہڑے اُوندے نال کھڑے ہَن ایہ سُنڑ تے پُچھنڑ لگے، ”کیا اساں وی اندھے ہیں؟“

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

اعمال 26:5

او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

اعمال 15:5

پر فریسیاں دے فرقہ ءچوں جیہڑے اِیمان گِھن آئے ہَن، کُجھ کھڑے تھی تے آکھنڑ لگے جو ”غیریہُودیاں ءچوں اِیمان گِھن آوݨ آلیاں دا ختنہ کراوݨ تے اُنہاں کُوں مُوسیٰ دی شریعت اُتے عمل کرݨ دا حُکم ڈیوݨ ضرور ہے۔“

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

یُوحنّا 1:24

فریسی فرقے دے جیہڑے لوک بھیجے گئے ہَن،

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

لُوقا 16:14

فریسی جیہڑے پیسے نال پیار کریندے ہَن، اِنہاں سبھ گالھیں کُوں سُنڑ تے اُوندا مذاق اُڈاوݨ لگے۔

لُوقا 7:30

پر فریسیاں تے شریعت دے عالماں اُوں کنُوں بپتسمہ نہ گِھن تے آپنڑے کیتے خُدا دی مرضی کُوں رَد کر ڈِتا۔

مرقس 12:18

وَل صدوقیاں جیہڑے قیامت دے مُنکر ہَن، یسُوع دے کولھ آ تے اُونکُوں ایہ سوال کیتا جو

مرقس 12:13

وَل اُنہاں کُجھ فریسیاں تے ہیرودیس دے پیروکاراں کُوں اُوندے کولھ بھیجیا تاں جو اُوندی کوئی گالھ پکڑ سگن۔

مرقس 8:15

یسُوع اُنہاں کُوں حُکم ڈِتا جو ”خبردار فریسیاں دے خمیر تے ہیرودیس دے خمیر کنُوں ہوشیار رہوائے۔“

متّی 22:34

جِیں ویلے فریسیاں سُنڑیا جو اُوں صدوقیاں کُوں لاجواب کر ڈِتے تاں او جمع تھی گئے۔

متّی 22:15

وَل فریسی وَنج تے آپس ءچ صلاح کرݨ لگ پئے جو یسُوع کُوں گالھیں ءچ کِینویں پھساوݨ۔

متّی 12:24

فریسیاں سُنڑ تے آکھیا، ”ایہ بدرُوحاں دے سردار بعل زبُول دی مدد دے بغیر بدرُوحاں کُوں نئیں کڈھیندا۔“

متّی 5:20

کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

متّی 15:12

وَل شاگرداں اُوندے کولھ آ تے آکھیا، ”کیا تُساں جانڑدے ہیوے جو فریسی ایہ گالھ سُنڑ تے ناراض تھئے ہِن؟“

متّی 16:1

وَل فریسیاں تے صدوقیاں یسُوع دے کولھ آ تے اُونکُوں ازماوݨ کیتے درخاست کیتی جو ساکُوں کوئی اسمانی نشان ڈِکھاؤ۔