متّی 3:5 - کِتاب مُقدّس سرائیکی ترجمہ

⁵ اُوں ویلے یروشلیم تے سارے یہُودیہ تے یردن دے سارے علاقیاں تُوں لوک یُوحنّا دے کولھ گئے۔

متّی دی راہِیں اِنجِیل سرائیکی بولی اِچ

⁵ اِیندے بعد شہر یروشلم اَتے سارے صوبہ یہُودیہ اَتے یَردن دریا دے چَودھاروں ٻَہُوں سارے لوک نِکل کرائیں یُوحنّا کولھ اَندے ریہے۔

متّی 3:5 Referans Kwoze

مرقس 1:5

یہُودیہ دے علاقے تے یروشلیم دے سارے لوک اُوندے کولھ آئے تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

یُوحنّا 5:35

یُوحنّا چمکدا تے بلدا ہویا چراغ ہا تے تُساں کُجھ عرصے تئیں اُوندی روشنی ءچ خوش راہونڑا پسند کیتا۔

یُوحنّا 3:23

یُوحنّا وی شالیم شہر دے نیڑے عینون ءچ بپتسمہ ڈیندا ہا، کیوں جو اُتھاں پانڑی بہُوں ہا، تے لوک آ تے بپتسمہ گِھندے ہَن۔

لُوقا 16:16

شریعت تے نبی یُوحنّا تئیں ہَن۔ اُوں ویلے تُوں خُدا دی بادشاہی دی خوشخبری سُنڑائی ویندی ہے تے ہر کوئی اُوندے ءچ داخل تھیوݨ دی زبردست کوشش کریندے۔

لُوقا 3:7

بس جیہڑے لوک یُوحنّا تُوں بپتسمہ گِھننڑ کیتے آندے ہَن او اُنہاں کُوں آدھا ہا، ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

متّی 4:25

تے گلیل تے دکُپُلس تے یروشلیم تے یہُودیہ تے یردن دے پار تُوں وڈی بِھیڑ اُوندے پِچُھوں تھی پئی۔

متّی 2:1

یسُوع، ہیرودیس بادشاہ دے زمانے ءچ یہُودیہ علاقے دے بیت لحم ءچ جمیا۔ اُوں ویلے سِجھ اُبھار تُوں مجُوسی یروشلیم ءچ ایہ پُچھدے ہوئے آئے جو

لُوقا 3:3

او یردن دے آسُوں پاسُوں وَنج تے تبلیغ کرݨ لگا جو گُناہاں دی معافی کیتے توبہ کر تے بپتسمہ گِھنو۔