متّی 3:15 - کِتاب مُقدّس سرائیکی ترجمہ

¹⁵ یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

متّی دی راہِیں اِنجِیل سرائیکی بولی اِچ

¹⁵ پَر یِسُوع اُونکُوں جواب ݙِتا، ”ہُݨ تاں تُوں اِیویں تھِیوَن ݙے تاں جو خُدا دی ساری پاک مرضی پوری تِھیوے۔“ اِیندے بعد یُوحنّا اُونکُوں بپتِسمہ ݙیوَݨ تے راضی تھی ڳیا۔

متّی 3:15 Referans Kwoze

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 13:15

کیوں جو مَیں تُہاکُوں ہِک نمونہ ڈِتے جو جِینویں مَیں کیتے، تُساں وی اُونویں ای کرو۔

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔

یُوحنّا 8:29

تے جئیں میکُوں بھیجیا ہے او میڈے نال ہے۔ اُوں میکُوں کلھا نئیں چھوڑیا، کیوں جو مَیں ہمیشاں اُوہو کم کریندا ہاں جیہڑے اُونکُوں پسند ہِن۔“

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

متّی 3:14

یُوحنّا ایہ آکھ تے اُونکُوں ہٹکنڑ لگا جو ”مَیں تاں خود تُہاڈے کنُوں بپتسمہ گِھننڑ دا مُتھاج ہاں تے تُساں میڈے کولھ آئے ہیوے؟“