متّی 28:3 - کِتاب مُقدّس سرائیکی ترجمہ

³ اُوندی شکل بجلی وانگُوں ہئی تے اُوندے کپڑے برف وانگُوں چِٹے ہَن۔

متّی دی راہِیں اِنجِیل سرائیکی بولی اِچ

³ اَتے اُوندی شکل بجلی وانگوں چَمکدار ہَئی اَتے اُوندا چولا بَرف وانگوں چِٹا ہَئی۔

متّی 28:3 Referans Kwoze

اعمال 1:10

او حالی تئیں اُونکُوں اسمان دو ویندے ہوئے غور نال ڈیدھے پئے ہَن جو ڈیکھو ڈُو مرد سفید پُشاک ءچ اُنہاں دے کولھ آ کھڑے تھئے،

مرقس 9:3

اُوندا لباس نُورانی تے بالکل چِٹّا تھی گِیا، ایجھا چِٹّا جو دُنیا دا کوئی دھوبی نئیں کر سگدا۔

مرقس 16:5

قبر آلی غار دے اندر داخل تھی تے اُنہاں ہِک جوان کُوں چِٹا چولا پاتے سجے پاسُوں بیٹھے ڈِٹھا تے بہُوں حیران تھیّاں۔

مُکاشفہ 18:1

اِیندے بعد مَیں ہِک بئے فرشتہ کُوں اسمان کنُوں لہندے ڈِٹھا۔ او وڈے اِختیار آلا ہا تے اُوندے نُور کنُوں ساری زمین روشن تھی گئی۔

یُوحنّا 20:12

تاں اُوں ڈُو فرشتیاں کُوں چِٹے کپڑے پاتے ہوئے اُتھاں بیٹھے ڈِٹھا، جِتھاں یسُوع دی لاش رکھی گئی ہئی، ہِک کُوں سراہنڑے تے ڈُوجھے کُوں پیراں آلے پاسے۔

مُکاشفہ 10:1

وَل مَیں ہِک بئے زور آور فرشتے کُوں ڈِٹھا جیہڑا اسمان کنُوں لہندا پِیا ہا۔ او بدّل کُوں ولھیٹی پِیا ہا تے اُوندے سر اُتے کمان ہئی۔ اُوندا چہرہ سِجھ وانگُوں ہا تے جنگھاں بھاہ دے تھمبیاں وانگُوں ہَن۔

متّی 17:2

اُتھاں اُنہاں دے سامنڑے اُوندی شکل بدل گئی۔ اُوندا مُنہ سِجھ وانگُوں چمکنڑ پے گِیا تے اُوندا لباس نُور وانگُوں چِٹّا تھی گِیا۔

متّی 28:4

اُوندے ڈر تُوں پہرے دار کمب گئے تے مُردے وانگُوں تھی گئے۔