متّی 27:66 - کِتاب مُقدّس سرائیکی ترجمہ

⁶⁶ بس او پہرے داراں کُوں نال گِھن تے گئے تے پتھر اُتے مُہر لا تے قبر دی نِگرانی کیتی۔

متّی دی راہِیں اِنجِیل سرائیکی بولی اِچ

⁶⁶ بَس او سپاہئیِں کُوں قبر تے گھِن ڳئے اَتے قبر دے مُونہہ تے پئے پَتھر اُتے مُہر لا ݙِتی اَتے پہرے دار ٻلہا ݙِتے۔

متّی 27:66 Referans Kwoze

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

متّی 28:2

تے ڈیکھو ہِک وڈا زلزلہ آیا کیوں جو رب دا فرشتہ اسمان کنُوں لتھا تے قبر دے کولھ وَنج تے پتھر کُوں ریڑھ ڈِتا تے اُوندے اُتے بہہ گِیا۔

متّی 27:60

تے اُونکُوں آپنڑی نوِیں قبر ءچ جیہڑی اُوں چٹان ءچ کُھدوائی ہئی رکھ ڈِتا۔ وَل او ہِک وڈا پتھر قبر دے مُنہ اُتے ریڑھ تے چلیا گِیا۔

متّی 28:11

جِیں ویلے او عورتاں ویندیاں پئیاں ہَن تاں پہرے داراں ءچوں کُجھ شہر گئے تے سردار کاہِناں کُوں سارا واقعہ سُنڑایا۔

متّی 27:65

پِیلاطُس جواب ڈِتا، ”تُہاڈے کولھ پہرے دار ہِن پئے، اُنہاں کُوں گِھن ونجو تے جِتھاں تئیں تھی سگے قبر دی نِگرانی کرو۔“

مرقس 16:4

پر جِیں ویلے اُنہاں نِگاہ کیتی تاں ڈِٹھا جو او پتھر جیہڑا بہُوں وڈا ہا پہلے کنُوں ای ریڑھیا ہویا ہے۔

یُوحنّا 20:1

ہفتے دے پہلے ڈینہہ سویل نال جِیں ویلے حالی اندھارا ای ہا، مریم مگدلینی قبر اُتے آئی تے ڈِٹھا جو پتھر قبر دے مُنہ کنُوں ہٹیا ہویا ہے۔

مُکاشفہ 20:3

تے بے تَل کھڈے ءچ سَٹ ڈِتا تے کھڈے کُوں بند کر تے اُوندے اُتے مُہر لا ڈِتی تاں جو اژدہا قوماں کُوں گُمراہ نہ کر سگے جِیں ویلے تئیں ہِک ہزار سال پُورے نہ تھی ونجنڑ۔ اِیندے بعد ضرور ہے جو اُونکُوں کُجھ عرصے کیتے کھولیا ونجے۔