متّی 27:43 - کِتاب مُقدّس سرائیکی ترجمہ

⁴³ اِیندا بھروسا خُدا اُتے ہے۔ جے او اِینکُوں چاہندے تاں ہُنڑ وی اِینکُوں بچا گِھنے، کیوں جو اِیں آکھیا ہا جو مَیں خُدا دا پوتر ہاں۔“

متّی دی راہِیں اِنجِیل سرائیکی بولی اِچ

⁴³ اِیں خُدا دا یقین کیتے جے او اِینکُوں چاہندے تاں ہُن اُوہو ای اِینُکوں بچاوے، کیوں جو اِیں آپ آکھیا ہا جو ’مَیں خُدا دا پُتر ہاں۔‘“

متّی 27:43 Referans Kwoze

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 19:7

یہُودیاں جواب ڈِتا ”ساڈے کولھ ہِک شریعت ہے تے اُوں شریعت دے مطابق او موت دے لائق ہے کیوں جو اُوں آکھیا ہے جو مَیں خُدا دا پوتر ہاں۔“

یُوحنّا 10:30

مَیں تے میڈا باپ ہِکو ہاں۔“

متّی 27:40

”ہیکل کُوں ڈھا تے ترے ڈینہہ ءچ بنڑاوݨ آلے! آپنڑے آپ کُوں بچا۔ جے تُوں خُدا دا پوتر ہیں تاں صلیب تُوں لہہ آ۔“

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

لُوقا 23:35

لوک کھڑے ڈیدھے پئے ہَن تے سردار وی ٹھٹّھے مار مار تے آدھے ہَن جو ”اِیں بئیاں کُوں بچایا۔ جے ایہ خُدا دا المسیح تے اُوندا چُنڑیا ہویا ہے، تاں آپنڑے آپ کُوں وی بچاوے۔“

لُوقا 23:37

”جے تُوں یہُودیاں دا بادشاہ ہیں تاں آپنڑے آپ کُوں بچا۔“