متّی 27:4 - کِتاب مُقدّس سرائیکی ترجمہ

⁴ ”مَیں گُناہ کیتے جو ہِک بے قصُور کُوں قتل کیتے پکڑوائے۔“ او آکھنڑ لگے، ”ساکُوں کیا؟ ایہ تیڈا مسئلہ ہے۔“

متّی دی راہِیں اِنجِیل سرائیکی بولی اِچ

⁴ ”مَیں کنُوں گُناہ تھئے کیوں جو ہِک بے‌قصُور بندے کُوں پکڑوا چھوڑے اَتے اُونکُوں میݙی وجہ کنُوں سزائے موت تھی ڳئی ہے۔“ پَر اُنہیں جواب ݙِتا، ”ساکُوں کیا؟ ایہ تیݙا مسئلہ ہے۔“

متّی 27:4 Referans Kwoze

1 یُوحنّا 3:12

قائن وانگُوں نہ بنڑو جیہڑا ابلیس دا بندہ ہا تے جئیں آپنڑے بِھرا کُوں قتل کیتا۔ اُوں کیوں اُونکُوں قتل کیتا؟ اِیں واسطے جو اُوندے کم بُرے ہَن پر اُوندے بِھرا دے نیک۔

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

1 تِیمُتھِیُس 4:2

ایہ تعلیم اُنہاں کُوڑے آدمیاں دی منافقت دی وجہ کنُوں آندی ہے جِنہاں دے ضمیر سڑ تے بے حِس تھی گئے ہِن۔

رومیوں 3:19

بس اساں جانڑدے ہیں جو شریعت جیہڑا کُجھ آدھی ہے، اُنہاں کُوں آدھی ہے جیہڑے شریعت دے پابند ہِن، تاں جو ہر مُنہ بند تھی ونجے تے ساری دُنیا خُدا دے سامنڑے سزا دی حقدار ہووے۔

اعمال 13:28

تے بھانویں اُوندے قتل دی کوئی وجہ نہ مِلی وَل وی اُنہاں پِیلاطُس کُوں درخاست کیتی جو اُونکُوں قتل کر ڈِتا ونجے۔

یُوحنّا 19:7

یہُودیاں جواب ڈِتا ”ساڈے کولھ ہِک شریعت ہے تے اُوں شریعت دے مطابق او موت دے لائق ہے کیوں جو اُوں آکھیا ہے جو مَیں خُدا دا پوتر ہاں۔“

لُوقا 23:47

جِیں ویلے صوبہ دار ایہ حال ڈِٹھا تاں خُدا دی تعریف کریندے ہوئے آکھیا، ”بے شک ایہ بندہ راستباز ہا۔“

لُوقا 23:41

ساڈی سزا تاں جائز ہے کیوں جو اساں آپنڑے کماں دا بدلہ پیندے پئے ہیں پر اِیں کوئی ایجھا کم نئیں کیتا۔“

لُوقا 23:22

اُوں تریجھی پھیری اُنہاں کنُوں پُچھیا، ”کیوں؟ آخر اُوں کیہڑی بُرائی کیتی ہے؟ مَیں اُوندے ءچ قتل دی کوئی وجہ نئیں پاتی۔ بس مَیں اُونکُوں کُٹوا تے چھوڑ ڈیندا ہاں۔“

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

متّی 27:19

جِیں ویلے پِیلاطُس عدالت دے تخت اُتے بیٹھا ہا تاں اُوندی ذال اُونکُوں ایہ پیغام بھیجیا جو ”اِیں نیک بندے دے خلاف کُجھ نہ کرو کیوں جو مَیں اَج خواب ءچ اِیندی وجہ کنُوں بہُوں ڈُکھ چاتے۔“

مُکاشفہ 11:10

زمین دے راہنڑ آلے اُنہاں دی موت اُتے شادمان تھی تے خوشی منیسن تے ہِک ڈُوجھے کُوں تحفے بھجیسن کیوں جو اُنہاں ڈوہائیں نبیاں، زمین آلیاں کُوں ستایا ہا۔