متّی 27:26 - کِتاب مُقدّس سرائیکی ترجمہ

²⁶ وَل پِیلاطُس اُنہاں کیتے برابّا کُوں چھوڑ ڈِتا تے یسُوع کُوں کوڑے مروا تے مصلُوب کرݨ کیتے سپاہیاں دے حوالے کر ڈِتا۔

متّی دی راہِیں اِنجِیل سرائیکی بولی اِچ

²⁶ اِیندے بعد پِیلاطُس، اُنہیں دے آکھݨ تے بَرابّا کُوں چھوڑ ݙِتا اَتے یِسُوع کُوں کوڑے مَروا کرائیں سُولی اُتے چڑھاوَݨ کیتے سِپاہیئیں دے حوالے کر ݙِتا۔

متّی 27:26 Referans Kwoze

یُوحنّا 19:1

وَل پِیلاطُس یسُوع کُوں گِھن گِیا تے کوڑے مروائے۔

مرقس 15:15

پِیلاطُس لوکاں کُوں خوش کرݨ سانگے برابّا کُوں چھوڑ ڈِتا، تے یسُوع کُوں مصلُوب کرݨ کیتے کوڑے مروا تے سپاہیاں دے حوالے کر ڈِتا۔

لُوقا 23:16

بس مَیں اُونکُوں کُٹوا تے چھوڑ ڈیندا ہاں۔“

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

مرقس 10:34

جیہڑے اُوندا مذاق اُڈیسن تے اُوندے اُتے تُھوکیسن، تے اُونکُوں کوڑے مریسن، تے قتل کریسن۔ پر ترے ڈینہہ بعد او زندہ تھی ویسی۔“

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

یُوحنّا 19:16

ایہ گالھ سُنڑ تے پِیلاطُس اُونکُوں اُنہاں دے حوالے کر ڈِتا جو اُونکُوں صلیب اُتے چڑھا ڈیوݨ۔ بس او یسُوع کُوں گِھن گئے۔