متّی 27:24 - کِتاب مُقدّس سرائیکی ترجمہ

²⁴ جِیں ویلے پِیلاطُس ڈِٹھا جو کُجھ نئیں بنڑدا بلکہ اُلٹا ہنگامہ تھیوݨ لگ پئے تاں اُوں پانڑی گِھن تے لوکاں دے سامنڑے آپنڑے ہتھ دھوتے، تے آکھیا، ”مَیں اِیں راستباز دے خون کنُوں بےقصُور ہاں۔ تُساں جانڑو۔“

متّی دی راہِیں اِنجِیل سرائیکی بولی اِچ

²⁴ جݙّاں پِیلاطُس ݙِٹھا جو کُجھ نَئیِں بَݨدا پِیا اَتے لڑائی تھِیوَن والی ہے تاں اُوں پاݨی گھِن کرائیں بھِیڑ دے سامݨے اپݨے ہَتھ دھوتے اَتے آکھیا، ”مَیں اِیں بے‌قصُور بندے کُوں قتل کیتے وَنڄن دا ذمہ‌وار نِمی! اِیندے ذمہ‌وار تُساں ہِوے۔“

متّی 27:24 Referans Kwoze

متّی 27:4

”مَیں گُناہ کیتے جو ہِک بے قصُور کُوں قتل کیتے پکڑوائے۔“ او آکھنڑ لگے، ”ساکُوں کیا؟ ایہ تیڈا مسئلہ ہے۔“

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

متّی 26:5

پر آکھنڑ لگے جو ”عید دے ڈینہاں ءچ نئیں، اِینویں نہ تھیوے جو لوکاں ءچ ہنگامہ تھی ونجے۔“

اعمال 3:14

تُساں اُوں قدُّوس تے راستباز دا اِنکار کیتا تے درخاست کیتی جو ہِک خونی تُہاڈے کیتے رِہا کر ڈِتا ونجے۔

یُوحنّا 19:4

پِیلاطُس ہِک پھیری ولا باہر آیا تے یہُودیاں کُوں آکھیا، ”ڈیکھو مَیں اُونکُوں تُہاڈے کولھ باہر گِھن آندا ہاں تاں جو تُہاکُوں پتہ لگ ونجے جو مَیں اُوندے ءچ کوئی جُرم نئیں ڈِٹھا۔“

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

متّی 27:9

اُوں ویلے او گالھ پُوری تھئی جیہڑی یرمیاہ نبی دی معرفت آکھی گئی ہئی جو ”اُنہاں چاندی دے ترِیح سِکے گِھن گِھدے یعنی او قیمت جیہڑی بنی اِسرائیل اُوندے کیتے مقرر کیتی ہئی۔

متّی 27:19

جِیں ویلے پِیلاطُس عدالت دے تخت اُتے بیٹھا ہا تاں اُوندی ذال اُونکُوں ایہ پیغام بھیجیا جو ”اِیں نیک بندے دے خلاف کُجھ نہ کرو کیوں جو مَیں اَج خواب ءچ اِیندی وجہ کنُوں بہُوں ڈُکھ چاتے۔“

متّی 27:23

اُوں آکھیا، ”کیوں، اُوں کیہڑی بُرائی کیتی ہے؟“ پر او مزید شور مچا تے آکھنڑ لگے ”اِینکُوں صلیب اُتے چڑھاؤ۔“

یُوحنّا 13:9

شمعون پطرس اُونکُوں آکھیا، ”مالک! صرف میڈے پیر ای نئیں بلکہ ہتھ تے سر وی دھو ڈیؤ۔“