متّی 27:2 - کِتاب مُقدّس سرائیکی ترجمہ

² تے اُونکُوں بَدھ تے گِھن گئے تے گورنر پِیلاطُس دے حوالے کر ڈِتا۔

متّی دی راہِیں اِنجِیل سرائیکی بولی اِچ

² او اُونکُوں ٻَدھ کرائیں اُتھوں گھِن ڳئے اَتے رومی گورنر پِیلاطُس دے حوالے کر ݙِتا۔

متّی 27:2 Referans Kwoze

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

لُوقا 13:1

اُوں ویلے کُجھ لوک اُتھاں موجود ہَن جِنہاں یسُوع کُوں اُنہاں گلیلیاں دے بارے ءچ ڈسایا، جِنہاں کُوں پِیلاطُس اُوں ویلے قتل کیتا جڈاں او قُربانیاں پیش کریندے پئے ہَن۔

عبرانیوں 13:3

تُساں قیدیاں کُوں اِینویں یاد رکھو جِینویں جو تُساں خود اُنہاں دے نال قید ءچ ہیوے، تے جِنہاں دے نال بدسلُوکی کیتی ویندی ہے اُنہاں کُوں اِینویں یاد رکھو جِینویں جو تُساں خود آپنڑے بدن ءچ برداشت کریندے پئے ہیوے۔

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

اعمال 28:20

بس مَیں تُہاکُوں اِیں واسطے سڈوایا جو تُہاڈے نال مُلاقات کراں تے گالھ کراں کیوں جو مَیں بنی اِسرائیل دی اُمید دی وجہ کنُوں زنجیراں نال بدھیا پِیا ہاں۔“

اعمال 24:27

ڈُو سالاں بعد فیلِکس دی جاہ پُرکِیُس فیستُس گورنر مقرر تھیّا تے فیلِکس خود کُوں یہُودیاں دا خیر خواہ ثابت کرݨ کیتے پولُس کُوں قید ءچ ای چھوڑ گِیا۔

اعمال 22:29

جیہڑے سپاہی اُوندا بیان گِھننڑ آلے ہَن، او فوراً پِچھاں ہٹ گئے تے پلٹن دا سپہ سالار وی ایہ جاݨ تے گھبرا گِیا جو جِینکُوں مَیں بدھیا ہویا ہے او رومی ہے۔

اعمال 22:25

جِیں ویلے او کوڑے لاوݨ کیتے پولُس کُوں بدھنڑ لگے تاں اُوں، اُوں رومی افسر کُوں جیہڑا نال ای کھڑا ہا آکھیا، ”کیا ہِک رومی شہری کُوں اُوندا جُرم ثابت کیتے بغیر کوڑیاں نال مارݨ جائز ہے؟“

اعمال 21:33

پلٹن دے سپہ سالار نیڑے آ تے اُونکُوں گرفتار کر تے ڈُو زنجیراں نال بدھنڑ دا حُکم ڈِتا۔ وَل پُچھیا ایہ بندہ کوݨ ہے تے اِینیں کیا کیتے؟

اعمال 12:6

جِیں ویلے ہیرودیس اُونکُوں پیشی کیتے گِھن آوݨ آلا ہا تاں اُونہی رات پطرس ڈُو زنجیراں نال بدھیا ہویا، ڈُو سپاہیاں دے اَدھ ءچ سُتا پِیا ہا تے پہرے دار دروازہ اُتے قید خانہ دی نگہبانی کریندے پئے ہَن۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

یُوحنّا 18:24

وَل حنّا یسُوع کُوں بدھیا ہویا کاہِن ِ اعظم کائفا دے کولھ بھیج ڈِتا۔

یُوحنّا 18:12

وَل رومی افسر، اُوندے فوجی تے یہُودیاں دے سپاہیاں یسُوع کُوں گرفتار کر تے بَدھ گِھدا

لُوقا 20:20

بس او اُوندی تاڑ ءچ ریہے تے جاسُوساں کُوں سچے بندیاں دے بھیس ءچ بھیجیا تاں جو اُوندی کوئی گالھ پکڑ تے اُونکُوں گورنر دے قبضہ ءچ ڈے ڈیوݨ۔

لُوقا 3:1

رومی بادشاہ تِبرِیُس قیصر دی حکُومت دے پندھرویں سال جِیں ویلے پنطیُس پِیلاطُس یہُودیہ دا گورنر ہا، تے ہیرودیس گلیل دا تے اُوندا بِھرا فِلپُس اِتُوریہ تے ترخونیتِس دا تے لِسانیاس اَبِلینے دا حاکم ہا،

متّی 28:14

تے جے ایہ گالھ گورنر دے کَن تئیں پُجی تاں اساں اُونکُوں سمجھا تے تُہاکُوں خطرے تُوں بچا گِھنسوں۔“

لُوقا 23:1

وَل اُنہاں دی ساری جماعت اُٹھی تے اُونکُوں پِیلاطُس دے کولھ گِھن گئی۔

لُوقا 23:12

اُونہی ڈینہہ پِیلاطُس تے ہیرودیس ہِک ڈُوجھے دے دوست بنڑ گئے کیوں جو پہلے اُنہاں دی دُشمنڑی ہئی۔

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔