متّی 27:12 - کِتاب مُقدّس سرائیکی ترجمہ

¹² پر جِیں ویلے سردار کاہِن تے بزُرگ اُوندے اُتے اِلزام لیندے پئے ہَن تاں اُوں کُجھ جواب نہ ڈِتا۔

متّی دی راہِیں اِنجِیل سرائیکی بولی اِچ

¹² پَر جیرھے ویلے وَݙّے مذہبی پیشوائیں اَتے قوم دے وَݙیرے اُوندے اُتے اِلزام لَیندے پئے ہَن، اُوں کُوئی جواب نہ ݙِتا۔

متّی 27:12 Referans Kwoze

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

1 پطرس 2:23

نہ اُوں مندھے کھا تے کڈھائیں مندھے کڈھے، تے نہ ڈُکھ چا تے کڈھائیں کہیں کُوں دڑکے ڈِتے، بلکہ آپنڑے آپ کُوں اِنصاف نال عدالت کرݨ آلے خُدا دے حوالے کر ڈِتا۔

اعمال 8:32

پاک کلام ءچوں جیہڑا حصہ او پڑھدا پِیا ہا، او ایہ ہا جو ”لوک اُونکُوں بھیڈ آلی کار ذبح کرݨ کیتے گِھن گئے تے جِینویں لیلا آپنڑے وال کُترݨ آلے دے سامنڑے چُپ راہندے، اِینویں ای اُوں آپنڑا مُنہ نہ کھولیا۔

متّی 27:14

پر یسُوع جواب ءچ ہِک لفظ وی نہ آکھیا، ایہ تئیں جو گورنر بہُوں حیران تھیّا۔

متّی 27:13

اِیں پارُوں پِیلاطُس اُونکُوں آکھیا، ”کیا تُوں ایہ سارے اِلزام نئیں سُنڑدا جیہڑے ایہ تیڈے اُتے لیندے پئین؟“

لُوقا 23:9

او بہُوں سارے سوال اُوں کنُوں پُچھدا ریہا، پر یسُوع اُونکُوں کوئی جواب نہ ڈِتا۔