متّی 27:1 - کِتاب مُقدّس سرائیکی ترجمہ

¹ جِیں ویلے سویل تھئی تاں سارے سردار کاہِناں تے قوم دے بزُرگاں صلاح کر تے یسُوع کُوں قتل کرواوݨ دا فیصلہ کیتا۔

متّی دی راہِیں اِنجِیل سرائیکی بولی اِچ

¹ ݙینہہ تھِیندئیں ای سارے وَݙّے مذہبی پیشوائیں اَتے قوم دے وَݙّیرئیں آپت اِچ یِسُوع دے خلاف صلاح کیتی جو اُونکُوں مار گھتوں۔

متّی 27:1 Referans Kwoze

مرقس 15:1

سویل تھیندے ای سردار کاہِناں، بزُرگاں تے شریعت دے عالماں تے سبھ صدر ِ عدالت دے ممبراں نال صلاح کر تے یسُوع کُوں بدھیا تے گِھن تے پِیلاطُس دے حوالے کر ڈِتا۔

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

لُوقا 22:66

سویل تھیندے ای سردار کاہِن تے شریعت دے عالم یعنی قوم دے بزُرگ جمع تھئے تے اُنہاں یسُوع کُوں آپنڑی صدر ِ عدالت ءچ گِھن وَنج تے آکھیا،

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

اعمال 5:21

او ایہ سُنڑ تے سویل نال ای ہیکل ءچ گئے تے تعلیم ڈیوݨ لگے۔ پر کاہِن ِ اعظم تے اُوندے ساتھیاں آ تے صدر ِ عدالت آلیاں یعنی بنی اِسرائیل دے سارے بزُرگاں کُوں جمع کیتا تے قید خانہ ءچ اکھوا بھیجیا جو رسُولاں کُوں گِھن آوݨ۔

لُوقا 13:1

اُوں ویلے کُجھ لوک اُتھاں موجود ہَن جِنہاں یسُوع کُوں اُنہاں گلیلیاں دے بارے ءچ ڈسایا، جِنہاں کُوں پِیلاطُس اُوں ویلے قتل کیتا جڈاں او قُربانیاں پیش کریندے پئے ہَن۔