متّی 26:69 - کِتاب مُقدّس سرائیکی ترجمہ

⁶⁹ پطرس باہر صحن ءچ بیٹھا ہا جو ہِک کنیز اُتھاں آئی تے آکھنڑ لگی، ”تُوں وی یسُوع گلیلی دے نال ہَویں۔“

متّی دی راہِیں اِنجِیل سرائیکی بولی اِچ

⁶⁹ اَتے پطرس ٻاہر ویہڑے اِچ ٻیٹھا ہا اَتے ہِک ٻاہنی اُوندے کولھ اَئی اَتے آکھیا، ”تُوں وی صوبہ گلِیل دے یِسُوع دے نال ہاویں۔“

متّی 26:69 Referans Kwoze

متّی 26:71

وَل او باہر ڈیوڑھی دو گِیا تاں ہِک بئی کنیز اُونکُوں ڈیکھ تے کولھ کھڑے ہوئے لوکاں کُوں آکھیا، ”ایہ بندہ وی یسُوع ناصری دے نال ہا۔“

اعمال 5:37

اِیں بندے دے بعد مردم شماری دے ڈینہاں ءچ یہُوداہ گلیلی اُٹھیا تے اُوں کُجھ لوک آپنڑے نال کر گِھدے۔ او وی ہلاک تھیّا تے جِتّی اُوندے مننڑ آلے ہَن سارے تِتربِتر تھی گئے۔

یُوحنّا 7:52

اُنہاں جواب ڈِتا، ”کیا تُوں وی گلیل دے علاقے دا ہیں؟ کلام دی تحقیق کر تے ڈیکھ جو گلیل دے علاقے ءچوں کوئی نبی نہ ہوسی۔“

یُوحنّا 7:41

کُجھ آکھیا، ”ایہ المسیح ہے“ تے کُجھ آکھیا، ”کائنا، کیا مسیح گلیل تُوں آسی؟

یُوحنّا 1:46

نتن ایل پُچھیا، ”کیا ناصرت ءچوں کوئی چنگی چیز نِکل سگدی ہے؟“ فِلپُس آکھیا، ”جُل تے خود ای ڈیکھ گِھن۔“

متّی 26:58

پطرس وی پرے کنُوں اُوندے پِچُھوں پِچُھوں کاہِن ِ اعظم دی حویلی تئیں وَنج پُجیا، تے اندر وَنج تے پہرے آلیاں دے نال بہہ گِیا تاں جو ڈیکھے جو کیا تھیندے۔

متّی 26:3

اُوں ویلے سردار کاہِن تے قوم دے بزُرگ کاہِن ِ اعظم کائفا دی حویلی ءچ جمع تھئے۔

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

متّی 26:70

اُوں ساریاں دے سامنڑے اِنکار کیتا تے آکھیا، ”پتہ نئیں تُوں کیا آدھی پئی ہیں۔“