متّی 26:64 - کِتاب مُقدّس سرائیکی ترجمہ

⁶⁴ یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

متّی دی راہِیں اِنجِیل سرائیکی بولی اِچ

⁶⁴ یِسُوع اُونکُوں جواب ݙِتا، ”تَیں آپ آکھ ݙِتے اَتے مَیں تُساں سارئیں کُوں ݙسینداں جو تُساں اِبنِ‌آدم یعنی مَیکُوں قادرِ مُطلِق دے سَڄے ہَتھ ٻیٹھا اَتے اَسمان دے بَدلئیں اُتے اَندا ݙیکھسو۔“

متّی 26:64 Referans Kwoze

مرقس 14:62

یسُوع جواب ڈِتا، ”ہاں مَیں ہاں، تے تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

لُوقا 21:27

اُوں ویلے لوک اِبنِ آدم کُوں قُدرت تے وڈے جلال نال بدل اُتے آندا ڈیکھسن۔

متّی 24:30

اُوں ویلے اِبنِ آدم دا نشان اسمان اُتے ظاہر تھیسی، تے دُنیا دیاں سبھ قوماں چھاتی پِٹسن تے اِبنِ آدم کُوں بدلاں اُتے قُدرت تے وڈے جلال نال آندے ڈیکھسن۔

متّی 26:25

وَل یہُوداہ جیہڑا اُونکُوں پکڑواوݨ کُوں ہا، بول پِیا، ”ربّی! کیا مَیں تاں نئیں؟“ اُوں جواب ڈِتا، ”تَیں آپ آکھ ڈِتے۔“

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

اعمال 1:11

تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

لُوقا 22:70

اِیں تُوں او سارے آکھنڑ لگے، ”کیا تُوں خُدا دا پوتر ہیں؟“ اُوں اُنہاں کُوں آکھیا، ”تُساں خود آدھے ہیوے جو مَیں ہاں۔“

متّی 27:11

یسُوع گورنر دے سامنڑے کھڑا ہا، تے گورنر اُونکُوں پُچھنڑ لگا، ”کیا تُوں یہُودیاں دا بادشاہ ہیں؟“ یسُوع جواب ڈِتا، ”ایہ تُوں خود آدھیں۔“

رومیوں 14:10

وَل تُوں آپنڑے بِھرا اُتے کیوں اِلزام لیندیں، یا اُونکُوں کیوں حقیر سمجھدیں؟ اساں تاں سارے دے سارے خُدا دے تختِ عدالت دے سامنڑے حاضر کیتے ویسوں۔

متّی 8:20

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 22:44

’رب میڈے مالک کُوں آکھیا میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دے تلے نہ کر ڈیواں؟‘

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

لُوقا 22:69

پر ہُنڑ کنُوں اِبنِ آدم قادر ِ مُطلق خُدا دے سجے پاسُوں بیٹھا راہسی۔“