متّی 26:61 - کِتاب مُقدّس سرائیکی ترجمہ

⁶¹ ”اِیں آکھیا ہا جو مَیں خُدا دی ہیکل کُوں ڈھا تے ترے ڈینہہ ءچ ولا کھڑا کر سگدا ہاں۔“

متّی دی راہِیں اِنجِیل سرائیکی بولی اِچ

⁶¹ اَتے ایہ ڳالھ آکھی جو اِیں آکھیئے،”مَیں ہَیکل کُوں ڈھا کرائیں ترائے ݙیہاڑیں اِچ وَلا بݨا سڳداں۔“

متّی 26:61 Referans Kwoze

متّی 27:40

”ہیکل کُوں ڈھا تے ترے ڈینہہ ءچ بنڑاوݨ آلے! آپنڑے آپ کُوں بچا۔ جے تُوں خُدا دا پوتر ہیں تاں صلیب تُوں لہہ آ۔“

مرقس 15:29

تے اُتھوں کنُوں لنگھنڑ آلے سر ہِلا ہِلا تے اُونکُوں لعن طعن کریندے تے اکھیندے ہَن جو ”واہ! ہیکل کُوں ڈھا تے ترے ڈینہہ ءچ بنڑاوݨ آلے،

اعمال 22:22

بِھیڑ اِیں گالھ تئیں تاں پولُس دی سُنڑدی ریہی۔ وَل اُچی اواز نال آکھنڑ پے گئی جو ایجھے بندے کُوں زمین تُوں ختم کر ڈے۔ او زندہ راہنڑ دے لائق نئیں۔

اعمال 18:13

تے آکھنڑ لگے جو ”ایہ بندہ لوکاں کُوں ایجھے طریقہ نال خُدا دی عبادت کرݨ کیتے اُبھریندے جیہڑا ساڈی شریعت دے خلاف ہے۔“

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

یُوحنّا 9:29

اساں جانڑدے ہیں جو خُدا مُوسیٰ نال کلام کیتے پر اِیں بندے کُوں نئیں جانڑدے جو ایہ کِتھوں دا ہے۔“

لُوقا 23:2

تے اُنہاں اُوندے اُتے اِلزام لاوݨ شروع کیتا جو ”اساں اِیں بندے کُوں آپنڑی قوم کُوں ورغلیندے تے رومی بادشاہ قیصر کُوں ٹیکس ڈیوݨ کنُوں منع کریندے تے آپنڑے آپ کُوں المسیح بادشاہ آدھے ڈِٹھے۔“

متّی 26:71

وَل او باہر ڈیوڑھی دو گِیا تاں ہِک بئی کنیز اُونکُوں ڈیکھ تے کولھ کھڑے ہوئے لوکاں کُوں آکھیا، ”ایہ بندہ وی یسُوع ناصری دے نال ہا۔“

متّی 12:24

فریسیاں سُنڑ تے آکھیا، ”ایہ بدرُوحاں دے سردار بعل زبُول دی مدد دے بغیر بدرُوحاں کُوں نئیں کڈھیندا۔“

متّی 26:62

اِیں اُتے کاہِن ِ اعظم کھڑا تھی تے اُونکُوں آکھیا، ”تُوں جواب کیوں نئیں ڈیندا؟ ایہ تیڈے خلاف کیا گواہی ڈیندے ہِن؟“

متّی 27:5

یہُوداہ پیسیاں کُوں ہیکل ءچ سَٹ تے چلیا گِیا تے پھانسی گِھن گِھدی۔

مرقس 14:58

”اساں اُونکُوں ایہ آدھے سُنڑیا ہے جو ’مَیں اِیں ہیکل کُوں جیہڑی ہتھ دی بنڑی ہے، ڈھا ڈیساں تے ترے ڈینہہ ءچ ڈُوجھی کھڑی کر ڈیساں جیہڑی ہتھ دی نہ بنڑی ہوسی‘۔“