متّی 26:45 - کِتاب مُقدّس سرائیکی ترجمہ

⁴⁵ اُوندے بعد شاگرداں دے کولھ آ تے اُنہاں کُوں آکھیا، ”ہُنڑ سُتے راہو تے آرام کرو۔ ڈیکھو، او ویلا آ گئے جو اِبنِ آدم گُنہگاراں دے حوالے کیتا ویندے۔

متّی دی راہِیں اِنجِیل سرائیکی بولی اِچ

⁴⁵ اِیندے بعد یِسُوع شاگِردئیں کولھ آیا اَتے اُنہیں کُوں آکھیا، ”تُساں ہُݨ تَئیِں سُتے اَتے اَرام کریندے پئے ہِوے؟ ݙیکھو او ویلا آ ڳئے جو اِبنِ‌آدم یعنی مَیں گُناہگاریں دے حوالے کیتا وَنڄاں۔

متّی 26:45 Referans Kwoze

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 17:1

یسُوع ایہ سبھ کُجھ آکھ ڈِتا تے آپنڑے اکھیں اسمان دو چا تے آکھیا، ”باپ! ہُنڑ ویلا آ گِیا ہے۔ تُوں آپنڑے پوتر دا جلال ظاہر کر تاں جو پوتر تیڈا جلال ظاہر کرے۔

یُوحنّا 12:27

ہُنڑ میڈا دل گھبریندا ہے، بس مَیں کیا آکھاں؟ باپ! میکُوں اِیں ویلے کنُوں بچا؟ نئیں، مَیں تاں اِیں مقصد کیتے اِیں ویلے تئیں پُجیا ہاں۔

لُوقا 22:53

جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

متّی 26:18

اُوں جواب ڈِتا، ”شہر ءچ فلاں بندے دے کولھ ونجو تے آکھو، ’اُستاد آدھے جو میڈا مقررہ ویلا نیڑے ہے۔ مَیں آپنڑے شاگرداں دے نال تیڈے گھر ءچ فسح دی عید منیساں‘۔“

متّی 26:2

”تُہاکُوں پتہ ہے جو ڈُو ڈینہہ بعد عید ِ فسح ہے، تے اِبنِ آدم کُوں پکڑوا ڈِتا ویسی تاں جو او صلیب اُتے چڑھا ڈِتا ونجے۔“

متّی 26:44

او اُنہاں کُوں چھوڑ تے چلیا گِیا تے وَل تریجھی پھیری اُوہو گالھ آدھے ہوئے دُعا کیتی۔

متّی 26:46

اُٹھو جُلوں۔ ڈیکھو میکُوں پکڑواوݨ آلا نیڑے آ پُجے۔“

مرقس 14:35

او ذرا اگُوں وَنج تے زمین اُتے مُنہ دے بھار ڈھے تے دُعا کرݨ لگا جو ”جے ممکن ہووے تاں آوݨ آلا عذاب مَیں کنُوں ٹَل ونجے۔“

یُوحنّا 12:23

یسُوع جواب ڈِتا، ”اِبنِ آدم دا جلال ظاہر تھیوݨ دا وقت آ گِیا ہے۔