متّی 26:39 - کِتاب مُقدّس سرائیکی ترجمہ

³⁹ وَل ذرا اگُوں وَنج تے او زمین اُتے مُنہ دے بھار ڈھے تے دُعا کرݨ لگا جو ”میڈے باپ، جے ممکن ہووے تاں ڈُکھ دا ایہ پیالہ مَیں کنُوں ٹَل ونجے، وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں اُوہو تھیوے۔“

متّی دی راہِیں اِنجِیل سرائیکی بولی اِچ

³⁹ اَتے اِیندے بعد کُجھ اَڳوں وَنڄ کرائیں یِسُوع مُونہہ دے بھرنے زمین اُتے ڈھہہ کرائیں اِیویں دُعا منگی، ”اَے میݙے باپ! جے تھی سڳے تاں ایہ پیالہ مَیں کنُوں ٹل وَنڄے وَل وی میݙی نَئیِں بلکہ تیݙی مرضی پوری تِھیوے۔“

متّی 26:39 Referans Kwoze

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

فِلِپّیوں 2:8

اُوں اِنسانی شکل ءچ ظاہر تھی تے آپنڑے آپ کُوں پست کر ڈِتا تے موت بلکہ صلیبی موت تئیں فرمانبرداری کیتی۔

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

یُوحنّا 5:30

مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

یُوحنّا 14:31

پر ایہ اِیں واسطے تھیندے جو دُنیا جاݨ گِھنے جو مَیں باپ نال محبت کریندا ہاں تے جِینویں باپ میکُوں حُکم ڈِتے مَیں اُونویں ای کریندا ہاں۔ اُٹھو اِتُھوں جُلوں۔“

یُوحنّا 18:11

پر یسُوع پطرس کُوں آکھیا، ”آپنڑی تلوار کُوں واپس رکھ، کیا مَیں ڈُکھ دا او پیالہ نہ پِیواں جیہڑا میڈے باپ میکُوں ڈِتے؟“

یُوحنّا 11:41

بس اُنہاں پتھر کُوں ہٹا ڈِتا۔ وَل یسُوع اسمان دو اکھیں چا تے آکھیا، ”باپ! مَیں تیڈا شُکر کریندا ہاں جو تُوں میڈی سُنڑ گِھدی۔

متّی 20:22

پر یسُوع جواب ءچ آکھیا، ”تُساں نئیں جانڑدے جو کیا منگدے ہیوے۔ کیا تُساں ڈُکھ دا او پیالہ پی سگدے ہیوے جیہڑا مَیں پِیوݨ آلا ہاں؟“ اُنہاں اُونکُوں آکھیا، ”اساں پی سگدے ہیں۔“

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

اعمال 10:25

جِیں ویلے پطرس اندر داخل تھیّا تاں کُرنیلیُس اُوندا اِستقبال کیتا تے اُوندے پیراں ءچ ڈھے تے سجدہ کیتا۔

لُوقا 17:16

تے یسُوع دے پیراں اُتے مُنہ دے بھار ڈھے تے اُوندا شُکر ادا کرݨ لگا۔ تے او سامری ہا۔

مرقس 13:22

کیوں جو کُوڑے المسیح تے کُوڑے نبی اُٹھی کھڑے تھیسن تے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔