متّی 26:36 - کِتاب مُقدّس سرائیکی ترجمہ

³⁶ وَل یسُوع شاگرداں نال ہِک باغ ءچ پُجیا جِیندا ناں گتسمنی ہا، تے اُنہاں کُوں آکھیا، ”تُساں اِتھاں بَہو، جئیں تئیں مَیں اُتھاں وَنج تے دُعا کراں۔“

متّی دی راہِیں اِنجِیل سرائیکی بولی اِچ

³⁶ اِیندے بعد یِسُوع اپݨے شاگِردئیں دے کٹھے ہِک باغ اِچ آیا جَیندا ناں گتسِمنی ہا اَتے اُوں شاگِردئیں کُوں آکھیا، ”تُساں اِتھائیں ٻَہہ وَنڄو اَتے مَیں دُعا منگݨ کیتے اَڳوں ویندا پِیاں۔“

متّی 26:36 Referans Kwoze

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

متّی 26:39

وَل ذرا اگُوں وَنج تے او زمین اُتے مُنہ دے بھار ڈھے تے دُعا کرݨ لگا جو ”میڈے باپ، جے ممکن ہووے تاں ڈُکھ دا ایہ پیالہ مَیں کنُوں ٹَل ونجے، وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں اُوہو تھیوے۔“

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

متّی 6:6

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔