متّی 26:18 - کِتاب مُقدّس سرائیکی ترجمہ

¹⁸ اُوں جواب ڈِتا، ”شہر ءچ فلاں بندے دے کولھ ونجو تے آکھو، ’اُستاد آدھے جو میڈا مقررہ ویلا نیڑے ہے۔ مَیں آپنڑے شاگرداں دے نال تیڈے گھر ءچ فسح دی عید منیساں‘۔“

متّی دی راہِیں اِنجِیل سرائیکی بولی اِچ

¹⁸ اُوں جواب ݙِتا، ”شہر اِچ فلاں بندے کولھ وَنڄو اَتے اُونکُوں آکھو اُستاد اَہدا پئے جو میݙا مقرر تھِیا ویلا نیڑے آ ڳئے، مَیں اپݨے شاگِردئیں دے نال فسح دی عید دا کھاݨا تیݙے گھر اِچ کھاوَݨ اَوساں۔“

متّی 26:18 Referans Kwoze

یُوحنّا 7:6

بس یسُوع اُنہاں کُوں آکھیا، ”میڈا مقررہ وقت اجنڑ نئیں آیا پر تُہاڈے کیتے سارا وقت مناسب ہے۔

یُوحنّا 17:1

یسُوع ایہ سبھ کُجھ آکھ ڈِتا تے آپنڑے اکھیں اسمان دو چا تے آکھیا، ”باپ! ہُنڑ ویلا آ گِیا ہے۔ تُوں آپنڑے پوتر دا جلال ظاہر کر تاں جو پوتر تیڈا جلال ظاہر کرے۔

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 7:30

اِیں گالھ تے لوک اُونکُوں پکڑن دی کوشش کرݨ لگے پر کہیں اُوندے اُتے ہتھ نہ پایا کیوں جو اجنڑ اُوندا وقت نہ آیا ہا۔

یُوحنّا 7:8

تُساں عید ءچ ونجو۔ مَیں اجنڑ اِیں عید ءچ نئیں ویندا، کیوں جو حالی تئیں میڈا وقت نئیں آیا۔“

یُوحنّا 12:23

یسُوع جواب ڈِتا، ”اِبنِ آدم دا جلال ظاہر تھیوݨ دا وقت آ گِیا ہے۔

لُوقا 22:53

جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

یُوحنّا 11:28

ایہ گالھ آکھ تے مَرتھا چلی گئی تے آپنڑی بھینڑ مریم کُوں اَنج سڈ تے آکھنڑ لگی جو ”اُستاد آ گئے تے تیکُوں سڈیندے۔“

مرقس 5:35

او ایہ آدھا ای پِیا ہا جو عبادت خانہ دے سردار دے گھر تُوں کُجھ لوک آ تے آکھنڑ لگے جو ”تُہاڈی دِھی مر گئی ہے۔ ہُنڑ اُستاد کُوں تکلیف کیوں ڈیندے ہیوے؟“

متّی 26:2

”تُہاکُوں پتہ ہے جو ڈُو ڈینہہ بعد عید ِ فسح ہے، تے اِبنِ آدم کُوں پکڑوا ڈِتا ویسی تاں جو او صلیب اُتے چڑھا ڈِتا ونجے۔“

متّی 23:10

نہ تُساں ہادی اکھواؤ کیوں جو تُہاڈا ہِکو ہادی ہے یعنی المسیح۔

متّی 23:8

پر تُساں ربّی نہ اکھواؤ کیوں جو تُہاڈا اُستاد ہِکو ہے یعنی مسیح، تے تُساں سبھ بِھرا ہیوے۔

متّی 21:3

تے جے کوئی تُہاکُوں کُجھ آکھے تاں اکھائے جو مالک کُوں اِنہاں دی ضرورت ہے۔ او فوراً اُنہاں کُوں بھیج ڈیسی۔“

یُوحنّا 20:16

یسُوع اُونکُوں آکھیا، ”مریم!“ اُوں مُڑ تے اُونکُوں عبرانی زبان ءچ آکھیا، ”ربونی!“ یعنی اُستاد!

متّی 26:49

او فوراً یسُوع دے کولھ آیا تے آکھیا، ”ربّی! سلام“ تے اُوندے بوسے گِھدے۔

متّی 26:19

بس شاگرداں اُونویں ای کیتا جِینویں یسُوع اُنہاں کُوں حُکم ڈِتا ہا تے فسح تیار کیتا۔