متّی 24:9 - کِتاب مُقدّس سرائیکی ترجمہ

⁹ اُوں ویلے لوک تُہاکُوں پکڑ تے سخت سزاواں ڈیسن تے قتل کریسن۔ تے سبھ قوماں میڈے ناں دے سببّوں تُہاڈے نال دُشمنڑی رکھیسن۔

متّی دی راہِیں اِنجِیل سرائیکی بولی اِچ

⁹ وَل لوک تُہاکُوں پکڑویسِن، تنگ کریسِن اَتے قتل کر ݙیسِن، میݙے پیروکار ہووَن دی وجہ کنُوں سارے لوک تُہاݙے نال نفرت کریسِن۔

متّی 24:9 Referans Kwoze

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

لُوقا 21:12

پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

1 پطرس 4:16

پر جے کوئی مسیح دا بندہ ہووݨ دے سببّوں ڈُکھ چاوے تاں شرماوے نہ بلکہ خُدا دی تعریف کرے جو او اِیں ناں تُوں سڈیا ویندے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

اعمال 7:59

او ستِفُنس کُوں سنگسار کریندے ریہے تے اُوں ایہ دُعا کیتی جو اے خُداوند یسُوع! میڈی رُوح کُوں قبول کر۔

لُوقا 11:49

اِیں واسطے خُدا آپنڑی حِکمت ءچ آکھیا ہے جو ’مَیں نبیاں تے رسُولاں کُوں اُنہاں دے کولھ بھجیساں۔ او اُنہاں ءچوں کُجھ کُوں قتل کریسن تے کُجھ کُوں ستیسن۔‘

متّی 23:34

اِیں واسطے ڈیکھو، مَیں نبیاں تے داناواں تے شریعت دے عالماں کُوں تُہاڈے کولھ بھجیندا ہاں۔ تُساں اُنہاں ءچوں کُجھ کُوں قتل تے مصلُوب کریسو تے کُجھ کُوں آپنڑے عبادت خانیاں ءچ کوڑے مریسو، تے ہر شہر ءچ سَتیندے راہسو۔

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

متّی 22:6

تے بئیاں اُوندے نوکراں کُوں پکڑ تے اُنہاں دی بے عزتی کیتی تے قتل کر ڈِتا۔

یُوحنّا 15:18

جے دُنیا تُہاڈے نال نفرت کریندی ہے تاں جاݨ گِھنو جو اُوں تُہاڈے کنُوں پہلے میڈے نال وی نفرت کیتی ہے۔

یُوحنّا 15:21

پر او ایہ سبھ کُجھ میڈے ناں دی وجہ تُوں تُہاڈے نال کریسن کیوں جو او میڈے بھیجنڑ آلے کُوں نئیں جانڑدے۔