متّی 24:5 - کِتاب مُقدّس سرائیکی ترجمہ

⁵ کیوں جو بہُوں سارے میڈے ناں نال آسن تے اکھیسن جو ’مَیں المسیح ہاں،‘ تے بہُوں سارے لوکاں کُوں گُمراہ کریسن۔

متّی دی راہِیں اِنجِیل سرائیکی بولی اِچ

⁵ کیوں جو ٻَہُوں لوک میݙا ناں گھِن تے آسِن اَتے آکھسِن،’مَیں مسِیحا ہاں‘ اَتے او ٻَہُوں لوکیں کُوں گُمراہ کریسِن۔

متّی 24:5 Referans Kwoze

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

متّی 24:11

بہُوں سارے کُوڑے نبی اُٹھی کھڑے تھیسن تے بہُوں سارے لوکاں کُوں گُمراہ کر ڈیسن۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔

یُوحنّا 5:43

مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

یُوحنّا 8:24

اِیں واسطے مَیں تُہاکُوں ڈسا ڈِتے جو تُساں آپنڑے گُناہاں ءچ مر سو، کیوں جو جے تُساں اِیمان نئیں گِھن آندے جو مَیں اُوہو ہاں تاں تُساں آپنڑے گُناہاں ءچ مرسو۔“

یُوحنّا 8:28

اِیں واسطے یسُوع آکھیا، ”جِیں ویلے تُساں اِبنِ آدم کُوں اُچائی اُتے چڑھیسو تاں تُہاکُوں معلوم تھیسی جو مَیں اُوہو ہاں تے آپنڑی طرفوں کُجھ نئیں کریندا بلکہ جِینویں باپ میکُوں سِکھایا ہے اُونویں ای ایہ گالھیں آدھا ہاں۔

1 یُوحنّا 2:22

وَل کُوڑا کوݨ ہے؟ اُوہو جیہڑا یسُوع دے المسیح ہووݨ دا اِنکار کریندے۔ اُوہو مسیح دا مخالف ہے۔ او باپ تے پوتر دا اِنکار کریندے۔

1 یُوحنّا 4:3

پر جیہڑی رُوح یسُوع دے بارے ءچ ایہ اِقرار نہ کرے تاں او خُدا دی طرفوں نئیں۔ اِیہو مسیح دے مخالف دی رُوح ہے جیندے بارے ءچ تُساں سُنڑ گِھدے جو او آوݨ آلا ہے بلکہ ہُنڑ وی دُنیا ءچ موجود ہے۔