متّی 24:49 - کِتاب مُقدّس سرائیکی ترجمہ

⁴⁹ تے آپنڑے ساتھیاں کُوں مارݨ کُٹنڑ لگے تے شرابیاں نال کھاوݨ پِیوݨ شروع کرے،

متّی دی راہِیں اِنجِیل سرائیکی بولی اِچ

⁴⁹ اَتے او اپݨے ڄوٹیوال ٻاہنئیں کُوں مارݨ کُٹݨ اَتے خُود شرابئیں نال کھاوَݨ پیوَݨ لڳ پووے۔

متّی 24:49 Referans Kwoze

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

مُکاشفہ 16:6

کیوں جو اُنہاں تیڈے مُقدّساں تے نبیاں دا خون وہایا تے تَیں اُنہاں کُوں پِیوݨ کیتے خون ای ڈِتا۔ او اِیندے ای لائق ہِن۔“

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

مُکاشفہ 13:7

اُونکُوں مُقدّساں نال جنگ کرݨ تے اُنہاں اُتے غالب آوݨ دی طاقت ڈِتی گئی، تے ہر قبیلے، اُمت، زبان تے قوم اُتے اِختیار ڈِتا گِیا۔

یہُوداہ 1:12

ایہ لوک تُہاڈیاں رفاقتی دعوتاں ءچ دریا ءچ لُکیاں ہوئیاں چٹاناں وانگُوں ہِن۔ ایہ ایجھے آجڑی ہِن جیہڑے بے دھڑک کھاندے ہِن۔ ایہ بغیر پانڑی دے بدلاں وانگُوں ہِن جِنہاں کُوں ہوا چا گِھن ویندی ہے۔ ایہ پتر کیر دے بے پھل درخت ہِن جیہڑے جڑھ کنُوں اُکھڑ گئے ہِن تے اِینویں ڈُوہائیں لحاظ نال مُردہ ہِن۔

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔

فِلِپّیوں 3:19

اُنہاں دا انجام ہلاکت ہے، اُنہاں دا پیٹ ای اُنہاں دا خُدا ہے۔ او آپنڑے شرم دے گالھیں اُتے فخر کریندے ہِن تے دُنیاوی چیزاں دے خیال ءچ لگے راہندے ہِن۔

2کُرِنتھِیوں 11:20

جے کوئی تُہاکُوں غُلام بنڑیندے یا تُہاکُوں لُٹیندے، یا تُہاکُوں دوکھا ڈیندے، یا تُہاڈے اُتے رُعب پیندے، یا تُہاڈے مُنہ اُتے چاٹ مریندے تاں تُساں برداشت کر گِھندے ہیوے۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

متّی 18:28

جِیں ویلے او نوکر باہر نِکلیا تاں اُونکُوں اُوندے ساتھیاں ءچوں ہِک مِلیا جئیں تُوں اُوں سو دینار گِھننڑاں ہا۔ اُوں اُونکُوں پکڑ تے اُوندا گلا گھُٹیا تے آکھیا جو ’میڈا قرض واپس ڈے۔‘

متّی 24:48

پر جے او نوکر بُرا ہووے تے آپنڑے دل ءچ آکھے جو ’میڈے مالک کُوں آوݨ ءچ اجنڑ تاں دیر ہے،‘

متّی 24:50

تاں اُوندا مالک کہیں ایجھے ڈینہہ جو جِیں ویلے نوکر کُوں اُوندے آوݨ دی اُمید نہ ہوسی تے کہیں ایجھے ویلے جیندی اُونکُوں خبر وی نہ ہوسی، وَل آسی۔

یُوحنّا 2:10

”ہر بندہ شروع ءچ انگُور دا چنگا رَس پیش کریندے تے بعد ءچ جیہڑے ویلے مہمان پی گِھندن، ہلکا رَس پیش کریندے، پر تَیں انگُور دا چنگا رَس ہُنڑ تئیں رکھ چھوڑیا ہے۔“