متّی 24:42 - کِتاب مُقدّس سرائیکی ترجمہ

⁴² بس جاگدے راہو کیوں جو تُساں نئیں جانڑدے جو تُہاڈا مالک کیہڑے ڈینہہ آسی۔

متّی دی راہِیں اِنجِیل سرائیکی بولی اِچ

⁴² اِیں کیتے سُڄاک رہو کیوں جو تُساں نَئیِں ڄاݨدے جو تُہاݙا خُداوند کیرھے ݙینہہ اَؤسی۔

متّی 24:42 Referans Kwoze

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

1تھِسّلُنیکیوں 5:6

اِیں واسطے اساں ڈُوجھیاں وانگُوں سُتے نہ راہوں بلکہ جاگدے تے ہوشیار راہوں۔

متّی 25:13

اِیں واسطے جاگدے راہو کیوں جو تُساں نہ اُوں ڈینہہ کُوں جانڑدے ہیوے نہ اُوں ویلے کُوں۔

مُکاشفہ 16:15

”ڈیکھو! مَیں چور وانگُوں آندا پِیا ہاں مُبارک ہے او جیہڑا جاگدا راہندے تے آپنڑی پُشاک کُوں حفاظت نال رکھیندے۔ اِینویں نہ تھیوے جو او ننگا پِھرے تے لوک اُوندا ننگا پن ڈیکھنڑ۔“

1کُرِنتھِیوں 16:13

جاگدے راہو۔ اِیمان ءچ قائم راہو۔ دلیر تھیؤ تے مضبوط تھیندے ونجو۔

متّی 24:36

پر اُوں ڈینہہ تے اُوں ویلے دے بارے ءچ کوئی نئیں جانڑدا، نہ اسمان دے فرشتے نہ پوتر پر صرف باپ۔

رومیوں 13:11

وقت کُوں پچھانڑو تے اِینویں ای کرو، کیوں جو نیندر کنُوں جاگنڑ دا ویلا آ گِیا ہے۔ جِیں ویلے اساں اِیمان گِھن آئے ہسے، اُوں وقت دی نسبت ہُنڑ ساڈی نجات بہُوں نیڑے ہے۔

متّی 24:44

اِیں واسطے تُساں وی تیار راہو کیوں جو جِیں ویلے تُہاکُوں توقع وی نہ ہوسی اِبنِ آدم آ ویسی۔

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

متّی 24:43

پر یاد رکھو جو جے گھر دے مالک کُوں پتہ ہوندا جو چور رات کُوں کیہڑے ویلے آسی، تاں او جاگدا راہندا تے آپنڑے گھر ءچ سَندھ نہ مارݨ ڈیندا۔

متّی 25:10

جیہڑے ویلے او تیل گِھننڑ ویندیاں پئیاں ہَن تاں گھوٹ آ گِیا تے جیہڑیاں تیار ہَن گھوٹ دے نال شادی دی دعوت ءچ اندر چلیاں گئیاں تے دَر بند تھی گِیا۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔