متّی 24:4 - کِتاب مُقدّس سرائیکی ترجمہ

⁴ یسُوع جواب ءچ آکھیا، ”خبردار! کوئی تُہاکُوں گُمراہ نہ کر ڈیوے۔

متّی دی راہِیں اِنجِیل سرائیکی بولی اِچ

⁴ یِسُوع جواب ݙِتا، ”خبردار رَہو کُوئی تُہاکُوں گُمراہ نہ کر ݙیوے۔

متّی 24:4 Referans Kwoze

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

مرقس 13:22

کیوں جو کُوڑے المسیح تے کُوڑے نبی اُٹھی کھڑے تھیسن تے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

گلتِیوں 6:3

جے کوئی آپنڑے آپ کُوں کُجھ سمجھے، پر او کُجھ وی نہ ہووے، تاں او آپنڑے آپ کُوں دوکھا ڈیندے۔