متّی 24:29 - کِتاب مُقدّس سرائیکی ترجمہ

²⁹ تے فوراً اُنہاں ڈینہاں دی مُصیبت دے بعد سِجھ اندھارا تھی ویسی تے چَن آپنڑی روشنی نہ ڈیسی، تے اسمان کنُوں تارے ڈھاسن، تے اسمان دیاں طاقتاں ہلائیاں ویسن۔

متّی دی راہِیں اِنجِیل سرائیکی بولی اِچ

²⁹ ”وَݙّی مُصیبت آلے ݙینہواریں دے گُزرݨ دے فوراً بعد سِجھ کالا تھی ویسی اَتے چَندر وی اپݨا سوجھلا ݙیوَݨ چھوڑ ݙیسی اَتے سارے تارے اَسمان کنُوں ڈھہہ پوسِن اَتے اَسمان دیاں ساریاں طاقتاں ہَلا ݙِتیاں ویسِن۔

متّی 24:29 Referans Kwoze

2 پطرس 3:10

پر خُداوند دے واپس آوݨ دا ڈینہہ چور وانگُوں آ ویسی۔ اُوں ڈینہہ اسمان بہُوں خوفناک اواز نال غائب تھی ویسن، تے اسمان دیاں سبھ چیزاں بھاہ دی شِدت کنُوں پگھر ویسن تے زمین تے اُوندے اُتے دے سبھ کم ظاہر تھی ویسن۔

مُکاشفہ 8:12

جِیں ویلے چوتھے فرشتے آپنڑا نرسِنگا وجایا تاں ہِک تِہائی سِجھ تے ہِک تِہائی چَن تے ہِک تِہائی تاریاں دا نُقصان تھیّا، اِتُھوں تئیں جو اُنہاں دا ہِک تِہائی حصہ اندھارا تھی گِیا تے اِینویں ڈینہہ دے ہِک تِہائی تے رات دے ہِک تِہائی حصے دی روشنی غائب تھی گئی۔

متّی 24:21

کیوں جو اُوں ویلے ایجھی وڈی مُصیبت ہوسی جو دُنیا دے شروع کنُوں نہ تاں اَج تئیں آئی ہے، نہ ولا کڈھائیں آسی۔

متّی 24:8

پر ایہ سارے گالھیں تاں مُصیبتاں دا صرف شروع ای ہوسن۔