متّی 23:7 - کِتاب مُقدّس سرائیکی ترجمہ

⁷ تے بازاراں ءچ سلام تے آدمیاں کنُوں ربّی اکھواوݨ پسند کریندے ہِن۔

متّی دی راہِیں اِنجِیل سرائیکی بولی اِچ

⁷ اَتے بازاریں اِچ اَندئیں ویندئیں لوک اُنہیں کُوں سلام کرَݨ اَتے اَے اُستاد! اَے اُستاد! سݙِن۔

متّی 23:7 Referans Kwoze

یُوحنّا 1:38

یسُوع مُڑ تے اُنہاں کُوں پِچُھوں آندے ڈِٹھا تاں اُنہاں کنُوں پُچھیا، ”تُساں کیا گولھیندے ہیوے؟“ اُنہاں آکھیا، ”ربّی، (یعنی اُستاد) تُساں کِتھاں راہندے ہیوے؟“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 20:16

یسُوع اُونکُوں آکھیا، ”مریم!“ اُوں مُڑ تے اُونکُوں عبرانی زبان ءچ آکھیا، ”ربونی!“ یعنی اُستاد!

یُوحنّا 6:25

جِیں ویلے اُنہاں یسُوع کُوں جھیل دے پار گولھ گِھدا تاں آکھیا، ”ربّی! تُساں اِتھاں کِیں ویلے آئے ہیوے؟“

یُوحنّا 3:26

اِیں واسطے او یُوحنّا دے کولھ آ تے آکھنڑ لگے، ”ربّی! او بندہ جیہڑا یردن دے پار تیڈے نال ہا تے جیندے بارے ءچ تُوں گواہی ڈِتی ہئی، ڈیکھ او وی بپتسمہ ڈیندا ہے تے سبھ اُوندے کولھ آندے ہِن۔“

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

مرقس 10:51

یسُوع اُوں کنُوں پُچھیا، ”تُوں کیا چاہندا ہیں جو مَیں تیڈے کیتے کراں؟“ اندھے آکھیا، ”ربّی! ایہ جو مَیں ڈیکھ سگاں۔“

مرقس 9:5

پطرس یسُوع کُوں آکھیا، ”ربّی، ساڈا اِتھاں راہنڑ چنگا ہے۔ بس اساں ترے خیمے بنڑاؤں۔ ہِک تُہاڈے کیتے، ہِک مُوسیٰ کیتے، ہِک ایلیّاہ کیتے۔“

متّی 23:8

پر تُساں ربّی نہ اکھواؤ کیوں جو تُہاڈا اُستاد ہِکو ہے یعنی مسیح، تے تُساں سبھ بِھرا ہیوے۔

متّی 11:16

مَیں اِیں زمانے دے لوکاں کُوں کیندے نال تشبیہ ڈیواں؟ او اُنہاں چھوہراں آلی کار ہِن جیہڑے بازاراں ءچ بیٹھے ہوئے آپنڑے دوستاں کُوں سڈ مار تے آدھن،

متّی 26:25

وَل یہُوداہ جیہڑا اُونکُوں پکڑواوݨ کُوں ہا، بول پِیا، ”ربّی! کیا مَیں تاں نئیں؟“ اُوں جواب ڈِتا، ”تَیں آپ آکھ ڈِتے۔“

متّی 26:49

او فوراً یسُوع دے کولھ آیا تے آکھیا، ”ربّی! سلام“ تے اُوندے بوسے گِھدے۔

مرقس 11:21

پطرس کُوں او گالھ یاد آئی تے اُونکُوں آکھنڑ لگا، ”ربّی! ڈیکھ ایہ ہنجیر دا درخت جیندے اُتے تُساں لعنت کیتی ہئی، سُک گِیا ہے۔“

مرقس 12:38

وَل یسُوع آپنڑی تعلیم ءچ آکھیا جو ”شریعت دے عالماں کنُوں خبردار رہوائے جیہڑے لمبے لمبے چولے پا تے پِھرݨ پسند کریندے ہِن تے چاہندے ہِن جو لوک بازاراں ءچ اُنہاں کُوں سلام کرݨ،

مرقس 14:45

او آ تے فوراً یسُوع دے کولھ گِیا تے آکھیا، ”ربّی!“ تے اُوندے بوسے گِھدے۔

لُوقا 11:43

فریسیو! تُہاڈے اُتے افسوس، تُساں عبادت خانیاں ءچ اُچے درجے دیاں کُرسیاں تے بازاراں ءچ سلام چاہندے ہیوے۔

یُوحنّا 4:31

اِیں دوران اُوندے شاگرد اُونکُوں ایہ درخاست کرݨ لگے جو ”ربّی، کُجھ کھا گِھنو۔“

یُوحنّا 9:2

اُوندے شاگرداں اُوں کنُوں پُچھیا جو ”ربّی! کئیں گُناہ کیتا ہا جو ایہ اندھا جمّے، اِیں یا اِیندے ماء پِیُو ؟“

یُوحنّا 11:8

شاگرداں اُونکُوں آکھیا، ”ربّی! کُجھ ڈینہہ پہلے تاں یہُودی تُہاکُوں سنگسار کرݨ دی کوشش ءچ ہَن تے وَل وی تُساں اُتھاں واپس ونجنڑ چاہندے ہیوے؟“