متّی 23:15 - کِتاب مُقدّس سرائیکی ترجمہ

¹⁵ منافق شریعت دے عالمو تے فریسیو، تُہاڈے اُتے افسوس۔ تُساں ہِک مُرید بنڑاوݨ کیتے تَری تے خشکی دا سفر کریندے ہیوے تے جِیں ویلے بنڑا گِھندے ہیوے تاں اُونکُوں آپنڑے کنُوں ڈُونڑا جہنم دا حقدار بنڑا ڈیندے ہیوے۔

متّی دی راہِیں اِنجِیل سرائیکی بولی اِچ

¹⁵ اَے رِیاکار شرع دے عالمو اَتے فرِیسِیو! تُہاݙے اُتے افسوس جو تُساں ہِک نَواں مُرید بݨاوَݨ کیتے زمینی اَتے سمندری پندھ کریندو اَتے جݙّاں او مُرید بݨ ویندے تاں اُونکُوں اپݨے کنُوں ݙوہڑا دوزخی بݨا ݙیندو۔

متّی 23:15 Referans Kwoze

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

اعمال 13:43

جِیں ویلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پولُس تے برنباس دے پِچُھوں تھی پئے۔ اُنہاں ڈوہائیں، اُنہاں نال مزید گالھیں کیتیاں تے زور ڈے تے آکھیا جو خُدا دے فضل اُتے قائم راہو۔

اعمال 13:10

تے آکھیا جو ”ابلیس دے پوتر! تُوں جیہڑا ہر قِسم دی مکاری تے شرارت نال بھریا ہویا تے ہر طرحاں دی نیکی دا دُشمنڑ ہیں، کیا تُوں خُداوند دے سِدھے رستیاں کُوں وِگاڑن تُوں باز نہ آسیں؟

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

گلتِیوں 6:12

جیہڑے لوک ڈُوجھیاں دے سامنڑے آپنڑے آپ کُوں چنگا ڈِکھاوݨ چاہندے ہِن، او تُہاکُوں ختنہ کراوݨ اُتے مجبور کرݨ دی کوشش کریندے ہِن۔ پر اُنہاں دا مقصد صرف ایہ ہے جو مسیح دی صلیبی موت دے پیغام دی وجہ کنُوں ستائے نہ ونجنڑ۔

گلتِیوں 4:17

او لوک تُہاکُوں آپنڑا دوست بنڑاوݨ دی کوشش تاں کریندے ہِن پر اُنہاں دی نیّت صاف کائنی۔ او تُہاکُوں میڈے تُوں اَنج کراوݨ چاہندے ہِن تاں جو تُساں اُنہاں دے ای بنڑے راہو۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

اعمال 17:13

جِیں ویلے تھِسّلُنِیکے دے یہُودیاں کُوں پتہ لگیا جو پولُس بیرِیہ ءچ خُدا دے کلام دی تبلیغ کریندا پِیا ہے تاں او اُتھاں وی آ پُجے تے لوکاں کُوں ہنگامہ کرݨ اُتے اُکساوݨ لگے۔

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

اعمال 2:10

فروگیہ، پمفِیلیہ، مِصر تے لِبیا دے اُوں علاقے دے راہنڑ آلے ہیں جیہڑا کُرینے دے نیڑے ہے۔ تے اِتھاں رومی مسافر

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

متّی 5:29

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔