متّی 23:14 - کِتاب مُقدّس سرائیکی ترجمہ

¹⁴ [منافق شریعت دے عالمو تے فریسیو، تُہاڈے اُتے افسوس۔ تُساں بیوہ عورتاں دے گھراں اُتے قبضہ کر گِھندے ہیوے تے ڈِکھاوݨ کیتے لمبیاں لمبیاں دُعاواں کریندے ہیوے۔ تُہاکُوں زیادہ سزا مِلسی۔]

متّی دی راہِیں اِنجِیل سرائیکی بولی اِچ

¹⁴

متّی 23:14 Referans Kwoze

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

مرقس 12:40

او بیوہ عورتاں دے گھراں کُوں ہڑپ کر گِھندے ہِن تے ڈِکھاوے کیتے لمبیاں لمبیاں دُعاواں کریندے ہِن۔ اُنہاں کُوں زیادہ سزا مِلسی۔“

لُوقا 20:47

او بیوہ عورتاں دے گھراں کُوں ہڑپ کر گِھندے ہِن تے ڈِکھاوے کیتے لمبیاں لمبیاں دُعاواں کریندے ہِن۔ اُنہاں کُوں زیادہ سزا مِلسی۔“

متّی 11:24

پر مَیں تُہاکُوں آدھا ہاں جو عدالت دے ڈینہہ سدُوم دا حال تَیں کنُوں زیادہ برداشت دے لائق ہوسی۔“

متّی 23:33

سَپو! نانگ دے بالو! تُساں دوزخ دی سزا کنُوں کِینویں بچسو؟

لُوقا 12:48

پر جئیں نہ جانڑدے ہوئے مار کھاوݨ دے کم کیتے او گھٹ مار کھاسی۔ جِینکُوں بہُوں ڈِتا گئے اُوں کنُوں بہُوں طلب کیتا ویسی، تے جِینکُوں بہُوں سپُرد کیتا گئے اُوں کنُوں زیادہ طلب کیتا ویسی۔

2 تِیمُتھِیُس 3:6

اِنہاں ءچ کُجھ ایجھے وی ہِن جیہڑے چُپ چپیتے گھراں ءچ وڑ آندے ہِن تے چھچھوری عورتاں کُوں آپنڑے قابو ءچ کر گِھندے ہِن جیہڑیاں گُناہاں ءچ دبیاں ہوندیاں ہِن تے طرحاں طرحاں دیاں بُریاں خواہشاں دے تابع راہندیاں ہِن۔

طِطُس 1:10

کیوں جو بہُوں سارے لوک باغی، فضول گالھیں کرݨ آلے تے دغاباز ہِن، خاص کر او جیہڑے ختنہ کراوݨ اُتے زور ڈیندے ہِن۔

یعقُوب 3:1

میڈے بِھراؤ! تُہاڈے ءچوں بہُوں سارے کلام سِکھاوݨ آلے نہ بنڑݨ کیوں جو تُساں جانڑدے ہیوے جو خُدا ڈُوجھیاں دے مُقابلے ءچ اساں اُستاداں دی زیادہ سختی نال عدالت کریسی۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔