متّی 22:5 - کِتاب مُقدّس سرائیکی ترجمہ

⁵ پر اُنہاں کوئی پرواہ نہ کیتی تے ٹُر پئے۔ کوئی آپنڑی رَڑھ کُوں، کوئی آپنڑے کاروبار ءچ لگ گِیا۔

متّی دی راہِیں اِنجِیل سرائیکی بولی اِچ

⁵ پَر او بے‌پروا تھِیندئیں ہوئیں اپݨے اپݨے کَم دو ٹُر پئے کُوئی اپݨی رَڑھ دو اَتے کُوئی اپݨے وپار دو۔

متّی 22:5 Referans Kwoze

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

2 تِیمُتھِیُس 3:4

دوکھے باز، بے پرواہ، مغرُور تے خُدا دی نسبت عیش و عشرت کُوں زیادہ پسند کرݨ آلے ہوسن۔

رومیوں 8:6

جِسمانی نیّت موت ہے پر رُوحانی نیّت زندگی تے اِطمینان ہے۔

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

اعمال 2:13

پر کُجھ ٹھٹّھا کر تے آکھیا، ”ایہ تاں شراب دے نشے ءچ ہِن۔“

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

متّی 22:4

وَل اُوں بئے نوکراں کُوں ایہ آکھ تے بھیجیا جو ’جِنہاں کُوں دعوت ڈِتی ہے اُنہاں کُوں آکھو جو کھانڑا تیار تھی گئے۔ میڈے ڈاند تے موٹے موٹے جانور ذبح تھی گئے ہِن تے سبھ کُجھ تیار ہے۔ شادی ءچ آؤ۔‘

متّی 22:6

تے بئیاں اُوندے نوکراں کُوں پکڑ تے اُنہاں دی بے عزتی کیتی تے قتل کر ڈِتا۔

یُوحنّا 2:16

تے کبوتر فروشاں کُوں آکھیا، ”اِنہاں کُوں اِتُھوں گِھن ونجو۔ میڈے باپ دے گھر کُوں مَنڈی نہ بنڑاؤ۔“

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔