متّی 22:21 - کِتاب مُقدّس سرائیکی ترجمہ

²¹ اُنہاں اُونکُوں آکھیا، ”رومی بادشاہ قیصر دا۔“ وَل اُوں اُنہاں کُوں آکھیا، ”جیہڑا قیصر دا ہے قیصر کُوں تے جیہڑا خُدا دا ہے خُدا کُوں ڈیؤ۔“

متّی دی راہِیں اِنجِیل سرائیکی بولی اِچ

²¹ اُنہیں جواب ݙِتا، ”قیصر دی۔“ وَل یِسُوع آکھیا، ”جیرھا قیصر دا ہے او قیصر کُوں اَتے جیرھا خُدا دا ہے او خُدا کُوں ݙیو۔“

متّی 22:21 Referans Kwoze

رومیوں 13:7

ہر ہِک کُوں اُوندا حق ڈِتا کرو۔ جِینکُوں ٹیکس ڈیونڑا چاہیدے اُونکُوں ٹیکس ڈیؤ، جِینکُوں محصُول ڈیونڑا ہووے اُونکُوں محصُول ڈیؤ، جئیں کنُوں ڈرنڑا چاہیدے، اُوں کنُوں ڈرو تے جِیندا احترام کرنڑا چاہیدے، اُوندا احترام کرو۔

اعمال 4:19

پر پطرس تے یُوحنّا جواب ڈِتا، ”تُساں ای فیصلہ کرو جو خُدا دی نِگاہ ءچ کیا ٹھیک ہے، اساں تُہاڈی گالھ منُوں یا خُدا دی؟

متّی 22:37

اُوں اُونکُوں آکھیا، ”رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری عقل نال محبت رکھ۔

لُوقا 23:2

تے اُنہاں اُوندے اُتے اِلزام لاوݨ شروع کیتا جو ”اساں اِیں بندے کُوں آپنڑی قوم کُوں ورغلیندے تے رومی بادشاہ قیصر کُوں ٹیکس ڈیوݨ کنُوں منع کریندے تے آپنڑے آپ کُوں المسیح بادشاہ آدھے ڈِٹھے۔“

اعمال 5:29

پطرس تے رسُولاں جواب ءچ آکھیا جو ”ساڈے اُتے اِنسان دے حُکم دی بجائے خُدا دا حُکم مننڑ زیادہ فرض ہے۔

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

متّی 22:20

اُوں اُنہاں کنُوں پُچھیا، ”اِیندے اُتے کیندی تصویر تے ناں ہے؟“

مرقس 12:17

یسُوع اُنہاں کُوں آکھیا، ”جیہڑا قیصر دا ہے او قیصر کُوں، تے جیہڑا خُدا دا ہے او خُدا کُوں ڈِتا کرو۔“ او یسُوع دی گالھ سُنڑ تے بہُوں حیران تھئے۔

لُوقا 20:25

اُوں اُنہاں کُوں آکھیا، ”بس جیہڑا قیصر دا ہے قیصر کُوں تے جیہڑا خُدا دا ہے، خُدا کُوں ادا کرو۔“