متّی 22:17 - کِتاب مُقدّس سرائیکی ترجمہ

¹⁷ بس ساکُوں ڈساؤ جو تُہاڈے خیال ءچ رومی بادشاہ قیصر کُوں ٹیکس ڈیوݨ جائز ہے یا نئیں؟“

متّی دی راہِیں اِنجِیل سرائیکی بولی اِچ

¹⁷ ساکُوں ݙسا، تُوں کیا سمجھدِیں جو قیصر کُوں ٹیکس ݙیوَݨ شرعی طور جائز ہے یا کَینا؟“

متّی 22:17 Referans Kwoze

لُوقا 2:1

اُنہاں ڈینہاں ءچ اِینویں تھیّا جو رومی بادشاہ قیصر اَوگُوستُس دی طرفوں ایہ حُکم جاری تھیّا جو رومی سلطنت دے سارے لوکاں دے ناں لِکھے ونجنڑ۔

متّی 17:25

اُوں آکھیا، ”ہاں ڈیندے۔“ او گھر ءچ داخل تھیّا تاں یسُوع اُوندے بولنڑ کنُوں پہلے آکھیا، ”شمعون! تیڈا کیا خیال ہے؟ دُنیا دے بادشاہ کیہڑے لوکاں کنُوں محصُول یا ٹیکس گِھندے ہِن؟ آپنڑے پوتراں کنُوں یا غیراں کنُوں؟“

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

اعمال 25:8

پولُس آپنڑی صفائی ءچ ایہ آکھیا جو ”مَیں نہ تاں یہُودیاں دی شریعت دے خلاف کوئی قصُور کیتے، نہ ہیکل دے تے نہ ای قیصر بادشاہ دے خلاف۔“

اعمال 17:7

تے یاسون اُنہاں کُوں آپنڑے گھر ءچ ٹِکایا ہے۔ ایہ سبھ لوک رومی بادشاہ قیصر دے حُکماں دی مخالفت کریندن تے آدھے ہِن جو بادشاہ تاں کوئی بِیا ای ہے جِیندا ناں یسُوع ہے۔“

اعمال 5:37

اِیں بندے دے بعد مردم شماری دے ڈینہاں ءچ یہُوداہ گلیلی اُٹھیا تے اُوں کُجھ لوک آپنڑے نال کر گِھدے۔ او وی ہلاک تھیّا تے جِتّی اُوندے مننڑ آلے ہَن سارے تِتربِتر تھی گئے۔

لُوقا 3:1

رومی بادشاہ تِبرِیُس قیصر دی حکُومت دے پندھرویں سال جِیں ویلے پنطیُس پِیلاطُس یہُودیہ دا گورنر ہا، تے ہیرودیس گلیل دا تے اُوندا بِھرا فِلپُس اِتُوریہ تے ترخونیتِس دا تے لِسانیاس اَبِلینے دا حاکم ہا،

متّی 22:18

یسُوع اُنہاں دی بُری نیّت معلوم کر تے آکھیا، ”منافقو! میکُوں کیوں ازمیندے ہیوے؟

لُوقا 20:22

ساکُوں رومی بادشاہ قیصر کُوں ٹیکس ڈیوݨ جائز ہے یا نئیں؟“