متّی 21:25 - کِتاب مُقدّس سرائیکی ترجمہ

²⁵ یُوحنّا دا بپتسمہ کِتھوں ہا؟ اسمان دی طرفوں یا اِنسان دی طرفوں؟“ او آپس ءچ تکرار کرݨ لگے، ”جے اساں آکھوں جو، ’اسمان دی طرفوں‘ تاں او ساکُوں اکھیسی ’وَل تُساں اُوندا یقین کیوں نہ کیتا؟‘

متّی دی راہِیں اِنجِیل سرائیکی بولی اِچ

²⁵ مَیکُوں ݙساؤ، یُوحنّا دا بپتِسمہ ݙیوَݨ کَیندے وَلّوں ہا، کیا او اَسمان وَلّوں ہا یا اِنسانیں وَلّوں؟“ او آپت اِچ بحث کرَݨ لڳے، ”جے اَساں آکھوں او اَسمان وَلّوں ہا تاں او آکھسی، وَل تُساں اُوندا یقین کیوں نہ کیتا۔

متّی 21:25 Referans Kwoze

1 یُوحنّا 3:20

جے ساڈا دل ساکُوں قصُوروار کھڑیندے تاں خُدا ساڈے دل تُوں وڈا ہے تے سبھ کُجھ جانڑدے۔

یُوحنّا 3:18

جیہڑا اُوندے اُتے اِیمان گِھن آندے اُوندے اُتے سزا دا حُکم نئیں تھیندا، پر جیہڑا اُوندے اُتے اِیمان نئیں گِھن آندا اُوندے اُتے سزا دا حُکم تھی گئے، اِیں واسطے جو او خُدا دے اِکلوتے پوتر دے ناں اُتے اِیمان نئیں گِھن آیا۔

یُوحنّا 1:15

اُوندے بارے ءچ یُوحنّا گواہی ڈِتی تے اُچی اواز ءچ آکھیا جو ”ایہ اُوہو ہے جیندے حق ءچ مَیں آکھیا ہا جو جیہڑا میڈے بعد آوݨ آلا ہے، او مَیں کنُوں افضل ہے کیوں جو او مَیں کنُوں پہلے موجود ہا۔“

لُوقا 20:5

اُنہاں آپس ءچ آکھیا جو ”جے اساں آکھوں جو ’اسمان دی طرفوں،‘ تاں او اکھیسی ’وَل تُساں اُوندا یقین کیوں نہ کیتا؟‘

یُوحنّا 1:6

خُدا ہِک بندے کُوں بھیجیا جِیندا ناں یُوحنّا ہا۔

متّی 16:7

او آپس ءچ بحث کرݨ لگ گئے جو ”اساں روٹی نئیں گِھن آئے اِیں واسطے او آدھے ہوسن۔“

متّی 21:24

یسُوع جواب ءچ اُنہاں کُوں آکھیا، ”مَیں وی تُہاڈے کنُوں ہِک گالھ پُچھدا ہاں۔ جے تُساں اُوندا جواب ڈیسو تاں مَیں وی ڈسا ڈیساں جو اِنہاں کماں کُوں کِیں اِختیار نال کریندا ہاں۔

متّی 21:26

پر جے آکھوں، ’اِنسان دی طرفوں،‘ تاں اساں عوام کنُوں ڈردے ہیں کیوں جو سبھ یُوحنّا کُوں نبی منیندے ہِن۔“

لُوقا 14:4

او چُپ رہ گئے۔ وَل اُوں اُونکُوں ہتھ لا تے شِفا بخشی تے رُخصت کیتا۔