متّی 21:23 - کِتاب مُقدّس سرائیکی ترجمہ

²³ جِیں ویلے یسُوع ہیکل ءچ آ تے تعلیم ڈیندا پِیا ہا تاں سردار کاہِناں تے قوم دے بزُرگاں اُوندے کولھ آ تے آکھیا، ”تُوں اِنہاں کماں کُوں کِیں اِختیار نال کریندیں؟ تے تیکُوں ایہ اِختیار کئیں ڈِتے؟“

متّی دی راہِیں اِنجِیل سرائیکی بولی اِچ

²³ اَتے یِسُوع ہَیکل اِچ آ کرائیں تعلیم ݙِیندا پِیا ہا تے وَݙّے مذہبی پیشوائیں اَتے قوم دے وَݙّیرئیں اُوندے کولھ آ کرائیں پچُِھیا، ”تُوں ایہ سارے کَم کَیندے اِختیار نال کریندیں اَتے کَئیں تَیکُوں ایہ اِختیار ݙِتے؟“

متّی 21:23 Referans Kwoze

اعمال 4:7

تے پطرس تے یُوحنّا کُوں اَدھ ءچ کھڑا کر تے پُچھنڑ لگے، ”تُساں کیندی قُدرت تے ناں نال ایہ کم کیتے؟“

لُوقا 19:47

او ہر روز ہیکل ءچ تعلیم ڈیندا ہا پر سردار کاہِن تے شریعت دے عالم تے قوم دے گودے اُونکُوں ہلاک کرݨ دی کوشش ءچ ہَن۔

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

اعمال 7:27

پر جیہڑا آپنڑے ہمسائے اُتے ظلم کریندا پِیا ہا، اُوں مُوسیٰ کُوں ہِک پاسے دھکا ڈے تے آکھیا جو ’تیکُوں کئیں ساڈے اُتے حاکم تے قاضی مقرر کیتے؟

متّی 21:24

یسُوع جواب ءچ اُنہاں کُوں آکھیا، ”مَیں وی تُہاڈے کنُوں ہِک گالھ پُچھدا ہاں۔ جے تُساں اُوندا جواب ڈیسو تاں مَیں وی ڈسا ڈیساں جو اِنہاں کماں کُوں کِیں اِختیار نال کریندا ہاں۔

متّی 24:1

یسُوع ہیکل کنُوں نِکل تے ویندا پِیا ہا جو اُوندے شاگرد اُوندے کولھ آئے تاں جو اُونکُوں ہیکل دیاں عمارتاں ڈِکھاوݨ۔

لُوقا 20:1

ہِک ڈینہہ جِیں ویلے یسُوع ہیکل ءچ لوکاں کُوں تعلیم ڈیندا تے خوشخبری سُنڑیندا پِیا ہا تاں سردار کاہِن تے شریعت دے عالم، بزُرگاں دے نال اُوندے کولھ آئے،

متّی 20:4

تے اُنہاں کُوں آکھیا، ’تُساں وی میڈے انگُوراں دے باغ ءچ چلے ونجو۔ جیہڑا مناسب ہے تُہاکُوں ڈیساں۔‘ بس او چلے گئے۔