متّی 21:19 - کِتاب مُقدّس سرائیکی ترجمہ

¹⁹ او رستے ءچ ہنجیر دا ہِک درخت ڈیکھ تے اُوندے نیڑے گِیا پر پتراں دے سِوا اُوندے اُتے کُجھ نہ پا تے آکھیا، ”ولا کڈھائیں تیکُوں پھل نہ لگے۔“ تے ہنجیر دا درخت اُوں ویلے ای سُک گِیا۔

متّی دی راہِیں اِنجِیل سرائیکی بولی اِچ

¹⁹ اَتے اُوندی نِگاہ رَستے اِچ ہِک ہنجیر دے وَݨ تے پئی تاں او اُوندے کولھ ڳیا پَر اُوندے تے پَتریں دے سِوا کُجھ نہ ہا، بَس اُوں وَݨ کُوں آکھیا، ”اَڄ کنُوں بعد تیݙے اُتے کݙاہیں وی پَھل نہ لڳے“ اَتے او وَݨ ہُوں ویلے ای سُک ڳیا۔

متّی 21:19 Referans Kwoze

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

یُوحنّا 15:6

جے کوئی میڈے ءچ قائم نہ راہوے تاں او ٹاہنڑی وانگُوں سَٹ ڈِتا ویندے تے سُک ویندے، تے لوک اُنہاں کُوں کٹھا کر تے بھاہ ءچ سَٹ ڈیندے ہِن تے او سڑ ویندیاں ہِن۔

لُوقا 3:9

ہُنڑ تاں درختاں دی جڑھ اُتے کُہاڑا رکھ ڈِتا گئے۔ بس جیہڑا درخت چنگا پھل نئیں ڈیندا او کپیا تے بھاہ ءچ سٹیا ویندے۔“

یُوحنّا 15:2

جیہڑی ٹاہنڑی میڈے ءچ ہے پر پھل نئیں ڈیندی اُونکُوں او کپ سٹیندے، تے جیہڑی پھل ڈیندی ہے اُونکُوں او چھنڈیندے تاں جو او زیادہ پھل ڈیوے۔

مرقس 11:14

اُوں اُونکُوں آکھیا، ”ولا تَیں کنُوں کوئی کڈھائیں پھل نہ کھاوے۔“ تے اُوندے شاگرداں ایہ سُنڑیا۔

مُکاشفہ 22:11

جیہڑا بُرائی کریندے، او بُرائی ای کریندا راہوے۔ جیہڑا ناپاک ہے، او ناپاک ای راہوے۔ جیہڑا راستبازی کریندے، او راستبازی ای کریندا راہوے۔ تے جیہڑا پاک ہے، او پاک ای راہوے۔“

یہُوداہ 1:12

ایہ لوک تُہاڈیاں رفاقتی دعوتاں ءچ دریا ءچ لُکیاں ہوئیاں چٹاناں وانگُوں ہِن۔ ایہ ایجھے آجڑی ہِن جیہڑے بے دھڑک کھاندے ہِن۔ ایہ بغیر پانڑی دے بدلاں وانگُوں ہِن جِنہاں کُوں ہوا چا گِھن ویندی ہے۔ ایہ پتر کیر دے بے پھل درخت ہِن جیہڑے جڑھ کنُوں اُکھڑ گئے ہِن تے اِینویں ڈُوہائیں لحاظ نال مُردہ ہِن۔

2 تِیمُتھِیُس 3:5

او دیندار تاں لگسن پر زندگی ءچ دینداری دا کوئی اثر قبول نہ کریسن۔ ایجھیاں کنُوں دُور ای راہویں۔

متّی 21:20

شاگرداں ایہ ڈِٹھا تاں حیران تھی تے آکھنڑ لگے، ”ایہ ہنجیر دا درخت ہِک دم کِینویں سُک گِیا؟“

مرقس 11:20

وَل سویل کُوں جِیں ویلے او اُتھوں کنُوں لنگھے تاں اُنہاں ڈِٹھا جو ہنجیر دا درخت جڑھ تئیں سُکا پِیا ہے۔