متّی 20:7 - کِتاب مُقدّس سرائیکی ترجمہ

⁷ اُنہاں جواب ڈِتا، ’اِیں واسطے جو ساکُوں کہیں کم تے نئیں کھڑایا۔‘ اُوں اُنہاں کُوں آکھیا، ’تُساں وی انگُوراں دے باغ ءچ چلے ونجو۔‘

متّی دی راہِیں اِنجِیل سرائیکی بولی اِچ

⁷ اُنہیں وَلدا ݙِتا، ’ساکُوں کہیں کَم نَئیِں ݙِتا۔‘ اُوں اُنہیں کُوں آکھیا، ’تُساں وی اَنگوریں دے باغ اِچ کَم کرَݨ کیتے لڳے وَنڄو۔‘

متّی 20:7 Referans Kwoze

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

کلُسِّیوں 1:26

یعنی او راز جیہڑا سارے زمانیاں تے نسلاں کنُوں لُکیا ریہا، پر ہُنڑ خُدا دے مُقدّساں اُتے ظاہر تھئے۔

اِفِسیوں 6:8

کیوں جو تُساں جانڑدے ہیوے جو خُداوند ہر بندے کُوں اُوندے چنگے کم دا اجر ڈیسی بھانویں او بندہ غُلام ہووے یا آزاد۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

اعمال 4:16

”اساں اِنہاں بندیاں نال کیا کرُوں؟ کیوں جو یروشلیم دے سارے لوک جانڑدے ہِن جو اُنہاں ہِک معجزہ کیتے تے اساں اِیندا اِنکار نئیں کر سگدے۔

یُوحنّا 9:4

جئیں تئیں ڈینہہ دا سوجھلا ہے، ساکُوں اُوندا کم کرݨ ضرور ہے، جئیں میکُوں بھیجیا ہے۔ او رات آندی پئی ہے جیندے ءچ کوئی بندہ کم نئیں کر سگدا۔

متّی 20:1

”کیوں جو اسمان دی بادشاہی اُوں گھر دے مالک وانگُوں ہے جیہڑا سویل نال باہر گِیا تاں جو آپنڑے انگُوراں دے باغ ءچ مزدُوراں کُوں کم تے لاوے۔

متّی 20:6

تے او ڈینہہ لہنڑ کنُوں ہِک گھنٹہ پہلے ولا باہر گِیا تے کُجھ بئیاں کُوں کھڑے ڈِٹھا تے اُنہاں کُوں آکھیا، ’تُساں کیوں اِتھاں سارا ڈینہہ بےکار کھڑے ریہے ہیوے؟‘

متّی 20:8

جِیں ویلے شام تھئی تاں انگُوراں دے باغ دے مالک آپنڑے مُنشی کُوں آکھیا، ’آخر ءچ کم اُتے کھڑائے ہوئے مزدُوراں کنُوں گِھن تے پہلے تئیں سبھ کُوں سڈ تے اُنہاں دی مزدُوری ڈے چا۔‘