متّی 20:22 - کِتاب مُقدّس سرائیکی ترجمہ

²² پر یسُوع جواب ءچ آکھیا، ”تُساں نئیں جانڑدے جو کیا منگدے ہیوے۔ کیا تُساں ڈُکھ دا او پیالہ پی سگدے ہیوے جیہڑا مَیں پِیوݨ آلا ہاں؟“ اُنہاں اُونکُوں آکھیا، ”اساں پی سگدے ہیں۔“

متّی دی راہِیں اِنجِیل سرائیکی بولی اِچ

²² یِسُوع اُوندے پُتریں کُوں جواب ݙِتا، ”تُساں نَئیِں ڄاݨدے جو کیا مَنگدے پئے ہِوے، جیرھا ݙُکھیں دا پیالہ مَیں پِیوَݨ آلا ہاں کیا تُساں پِی سڳدو؟“ اُنہیں آکھیا، ”جِیا پِی سَڳدوں۔“

متّی 20:22 Referans Kwoze

لُوقا 22:42

”باپ! جے تُوں راضی ہوویں تاں ڈُکھ دا ایہ پیالہ مَیں کنُوں ہٹا گِھن وَل وی میڈی نئیں بلکہ تیڈی ای مرضی پُوری تھیوے۔“

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

یُوحنّا 18:11

پر یسُوع پطرس کُوں آکھیا، ”آپنڑی تلوار کُوں واپس رکھ، کیا مَیں ڈُکھ دا او پیالہ نہ پِیواں جیہڑا میڈے باپ میکُوں ڈِتے؟“

مرقس 14:36

تے آکھیا، ”ابّا! باپ! تیڈے کیتے سبھ کُجھ ممکن ہے۔ ڈُکھ دے اِیں پیالے کُوں مَیں کنُوں ہٹا گِھن۔ وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں، اُوہو تھیوے۔“

متّی 26:39

وَل ذرا اگُوں وَنج تے او زمین اُتے مُنہ دے بھار ڈھے تے دُعا کرݨ لگا جو ”میڈے باپ، جے ممکن ہووے تاں ڈُکھ دا ایہ پیالہ مَیں کنُوں ٹَل ونجے، وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں اُوہو تھیوے۔“

رومیوں 8:26

اِینویں ای رُوح القُدس وی ساڈی کمزوری ءچ ساڈی مدد کریندے۔ اساں تے ایہ نئیں جانڑدے جو کیہڑی چیز کیتے دُعا کرݨ چاہیدی ہے۔ پر رُوح آپ ایجھے ہائیں بھر بھر تے ساڈی شفاعت کریندے، جِنہاں دا بیان نئیں تھی سگدا۔

یعقُوب 4:3

تے جِیں ویلے منگدے ہیوے تاں مِلدا نئیں کیوں جو بُری نیّت نال منگدے ہیوے تاں جو آپنڑیاں نفسانی خواہشاں کُوں پُورا کر سگو۔

لُوقا 12:50

پر میکُوں ہِک بپتسمہ گِھننڑاں ہے، تے جئیں تئیں گِھن نہ گِھناں مَیں بہُوں بے چین راہساں!

متّی 26:56

پر ایہ سبھ کُجھ اِیں واسطے تھیّا جو نبیاں دے صحیفیاں ءچ لِکھیاں ہوئیاں گالھیں پُوریاں تھیوݨ۔“ وَل سبھ شاگرد اُونکُوں چھوڑ تے بھج گئے۔

متّی 26:35

پطرس اُونکُوں آکھیا، ”جے تُہاڈے نال میکُوں مرنڑا وی پووے، وَل وی تُہاڈا اِنکار نہ کریساں۔“ تے سارے شاگرداں وی اِیہو آکھیا۔