متّی 20:19 - کِتاب مُقدّس سرائیکی ترجمہ

¹⁹ تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

متّی دی راہِیں اِنجِیل سرائیکی بولی اِچ

¹⁹ اَتے غیرقومیں دے حوالے کریسِن تاں جو میݙا مذاق بݨاوَݨ اَتے کوڑے مار کرائیں سُولی چڑھا ݙِیوَݨ پَر مَیں تریجھے ݙینہہ زندہ تھی ویساں۔“

متّی 20:19 Referans Kwoze

متّی 16:21

اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

اعمال 21:11

اُوں ساڈے کولھ آ تے پولُس دا کمر بند گِھدا تے اُوندے نال آپنڑے ہتھ پیر بَدھ تے آکھنڑ لگا، ”رُوح القُدس فرمیندے جو یروشلیم دے یہُودی اِیں کمر بند دے مالک کُوں اِینویں بَدھ تے غیر قوماں دے حوالے کر ڈیسن۔“

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

لُوقا 23:11

وَل ہیرودیس آپنڑے سپاہیاں دے نال رَل تے اُونکُوں ذلیل کیتا تے اُوندا مذاق اُڈایا، تے ہِک چمکنڑاں چوغہ پوا تے اُونکُوں پِیلاطُس دے کولھ واپس بھیج ڈِتا۔

مرقس 15:1

سویل تھیندے ای سردار کاہِناں، بزُرگاں تے شریعت دے عالماں تے سبھ صدر ِ عدالت دے ممبراں نال صلاح کر تے یسُوع کُوں بدھیا تے گِھن تے پِیلاطُس دے حوالے کر ڈِتا۔

مرقس 14:65

کُجھ اُوندے اُتے تُھکیا تے کُجھ اُوندے اکھیں اُتے پٹی بَدھ تے اُونکُوں مُکے مارݨ تے اُونکُوں آکھنڑ لگے، ”نبُوّت کر جو کئیں مارے!“ سپاہیاں وی اُونکُوں چماٹاں مار تے آپنڑے قبضہ ءچ گِھن گِھدا۔

متّی 12:40

کیوں جو جِینویں یُوناہ ترے ڈینہہ رات وڈی مچھی دے پیٹ ءچ ریہا اِینویں ای اِبنِ آدم ترے ڈینہہ رات زمین دے اندر راہسی۔

متّی 17:23

تے او اُونکُوں قتل کریسن تے او تریجھے ڈینہہ زندہ کیتا ویسی۔ ایہ سُنڑ تے او بہُوں غمگین تھئے۔“

متّی 27:26

وَل پِیلاطُس اُنہاں کیتے برابّا کُوں چھوڑ ڈِتا تے یسُوع کُوں کوڑے مروا تے مصلُوب کرݨ کیتے سپاہیاں دے حوالے کر ڈِتا۔

متّی 27:63

”سائیں! ساکُوں یاد ہے جو اُوں دوکھے باز آپنڑے زندہ ہوندے آکھیا ہا جو مَیں ترے ڈینہہ بعد زندہ تھی ویساں۔

مرقس 15:15

پِیلاطُس لوکاں کُوں خوش کرݨ سانگے برابّا کُوں چھوڑ ڈِتا، تے یسُوع کُوں مصلُوب کرݨ کیتے کوڑے مروا تے سپاہیاں دے حوالے کر ڈِتا۔

لُوقا 18:32

کیوں جو او غیر قوم آلیاں دے حوالے کیتا ویسی تے لوک اُوندا مذاق بنڑیسن تے بے عزت کریسن تے اُوندے اُتے تُھوکیسن،