متّی 2:13 - کِتاب مُقدّس سرائیکی ترجمہ

¹³ اُنہاں دے ونجنڑ تُوں بعد رب دا ہِک فرشتہ یُوسف کُوں خواب ءچ ڈِکھالی ڈِتا تے آکھنڑ لگا، ”اُٹھی۔ بال تے اُوندی ماء کُوں نال گِھن تے مِصر دو بھج وَنج، تے جئیں تئیں مَیں نہ آکھاں اُتھائیں رہوائے، کیوں جو ہیرودیس اِیں بال کُوں گولھ تے مارݨ چاہندے۔“

متّی دی راہِیں اِنجِیل سرائیکی بولی اِچ

¹³ سیاݨئیں دے وَنڄن دے بعد خُداوند دے فرِشتے یُوسف کُوں خاب اِچ ݙِکھالی ݙے کرائیں آکھیا، ”اُٹھی ٻال اَتے اُوندی ماء کُوں نال گھِن کرائیں مِصر دے مُلک دو لڳا وَنڄ اَتے جݙّاں تَئیِں مَیں نہ ݙساواں اُتھائیں رہ وَنڄائے کیوں جو ہیرودیس اِیں ٻال دی ڳول اِچ ہے جو اِینکُوں مار گھتے۔“

متّی 2:13 Referans Kwoze

اعمال 12:11

وَل پطرس ہوش ءچ آ تے آکھیا جو ”ہُنڑ میکُوں پکّا یقین تھی گئے جو خُداوند آپنڑے فرشتہ کُوں بھیج تے میکُوں ہیرودیس دے ہتھ کنُوں چُھڑا گِھدے تے یہُودیاں دے اِرادے کُوں ناکام کر ڈِتے۔“

اعمال 10:7

جِیں ویلے او فرشتہ چلیا گِیا جئیں اُوندے نال گالھیں کیتیاں ہَن تاں کُرنیلیُس آپنڑے نوکراں ءچوں ڈُو کُوں تے آپنڑے خاص سپاہیاں ءچوں ہِک دیندار کُوں سڈیا،

اعمال 5:19

پر رات کُوں خُداوند دے ہِک فرشتہ قید خانہ دے دروازے کھولے تے اُنہاں کُوں باہر کڈھ تے آکھنڑ لگا جو

متّی 2:12

تے خُدا تُوں خواب ءچ ایہ ہدایت پا تے جو ہیرودیس دے کولھ ولا نہ ونجنڑ، او کہیں بئے رستے تُوں آپنڑے وطن دو لگے گئے۔

متّی 1:20

او اِنہاں گالھیں دے بارے ءچ سوچیندا ای پِیا ہا جو رب دے فرشتے اُونکُوں خواب ءچ نظر آ تے آکھیا، ”یُوسف! داؤد دے پوتر، آپنڑی ذال مریم کُوں آپنڑے کولھ گِھن آوݨ تُوں نہ ڈر، کیوں جو جیہڑا اُوندے پیٹ ءچ ہے او رُوح القُدس دی قُدرت نال ہے۔

متّی 2:16

جِیں ویلے ہیرودیس کُوں پتہ لگیا جو مجُوسیاں میڈے نال دوکھا کیتے تاں اُونکُوں بہُوں کاوڑ لگی۔ اُوں بیت لحم تے اُوندے چودھارُوں سپاہی بھیج تے سارے بالاں کُوں جیہڑے ڈُو سال یا اِیں تُوں چھوٹے ہَن قتل کروا ڈِتا، اُوں ویلے دے حساب نال جیہڑی اُوں مجُوسیاں تُوں تحقیق کیتی ہئی۔

مُکاشفہ 12:14

پر اُوں عورت کُوں ہِک وڈے عقاب دے ڈُو کھمب ڈِتے گئے تاں جو او اژدہے دی پہنچ تُوں باہر نِکل تے بیابان ءچ آپنڑے اُوں مقام دو اُڈ ونجے، جِتھاں ہِک زمانے، زمانیاں، تے ادھے زمانے تئیں اُوندی پرورش کیتی ویسی۔

اعمال 16:36

وَل داروغے پولُس کُوں آکھیا جو ”حاکماں تُہاکُوں رِہا کرݨ دا حُکم بھیجیا ہے۔ بس ہُنڑ تُساں نِکل تے سلامت چلے ونجو۔“

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 7:19

اُوں ساڈی قوم نال چالاکی کر تے ساڈے پِیُو ڈاڈا نال اِتُھوں تئیں ظلم کیتا جو او آپنڑے بالاں کُوں باہر سٹنڑ اُتے مجبور تھی گئے تاں جو او زندہ نہ راہنڑ۔

متّی 10:23

پر جِیں ویلے لوک تُہاکُوں ہِک شہر ءچ ستاوݨ تاں ڈُوجھے شہر کُوں بھج وَنجائے کیوں جو مَیں تُہاکُوں سچ آدھا ہاں جو اِیں کنُوں پہلے جو تُساں اِسرائیل دے سارے شہراں ءچ نہ پِھر گِھن سو، اِبنِ آدم آ ویسی۔

مُکاشفہ 12:6

تے او عورت بیابان ءچ بھج گئی جِتھاں خُدا اُوندے کیتے ہِک جاہ تیار کیتی ہئی تاں جو اُتھاں ہِک ہزار ڈُو سو سَٹھ (1,260) ڈینہہ تئیں اُوندی ڈیکھ بھال کیتی ونجے۔

مُکاشفہ 12:4

اُوندی پُچھڑ اسمان دے ہِک تِہائی تارے چِھک تے اُنہاں کُوں زمین اُتے سَٹ ڈِتا۔ وَل اژدہا اُوں عورت دے سامنڑے جیہڑی بال جمنڑ آلی ہئی، وَنج کھڑا تھیّا تاں جو جِیں ویلے او بال جمّے تاں اُونکُوں کھا ونجے۔

متّی 2:22

پر ایہ سُنڑ تے جو اَرخلاؤس آپنڑے پِیُو ہیرودیس دی جاہ تے یہُودیہ دا بادشاہ بنڑ گِیا ہے تاں اُتھاں ونجنڑ تُوں ڈریا تے خواب ءچ ہدایت پا تے گلیل دے علاقے دو ٹُر پِیا۔

متّی 2:14

او فوراً اُٹھی تے رات دے ویلے بال تے اُوندی ماء کُوں گِھن تے مِصر دو ٹُر پِیا۔

اعمال 12:7

ابڑغُت خُداوند دا ہِک فرشتہ ظاہر تھیّا تے پُوری کوٹھڑی ءچ سوجھلا تھی گِیا۔ اُوں پطرس دی پسلی کُوں ہتھ لا تے اُونکُوں جگایا تے آکھیا جو ”جلدی اُٹھی۔ تے زنجیراں اُوندے ہتھاں ءچوں کُھل پئیاں۔“