متّی 19:23 - کِتاب مُقدّس سرائیکی ترجمہ

²³ تے یسُوع آپنڑے شاگرداں کُوں آکھیا، ”مَیں تُہاکُوں سچ آدھا ہاں جو دولت مند دا اسمان دی بادشاہی ءچ داخل تھیوݨ مُشکل ہے۔

متّی دی راہِیں اِنجِیل سرائیکی بولی اِچ

²³ اَتے یِسُوع اپݨے شاگِردئیں کُوں آکھیا، ”مَیں تُہاکُوں سچّ اَہداں جو دولت‌مندیں دا اَسمان دی بادشاہی اِچ داخل تھِیوَن او کھا ہے۔

متّی 19:23 Referans Kwoze

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

مرقس 10:23

وَل یسُوع چودھارُوں نظر کر تے آپنڑے شاگرداں کُوں آکھیا، ”دولت منداں دا خُدا دی بادشاہی ءچ داخل تھیوݨ کیجھا اوکھا ہے!“

لُوقا 18:24

یسُوع اُونکُوں ڈیکھ تے آکھیا، ”دولت منداں دا خُدا دی بادشاہی ءچ داخل تھیوݨ کیجھا اوکھا ہے!

1کُرِنتھِیوں 1:26

بِھراؤ! اِیں گالھ اُتے غور کرو جو جِیں ویلے خُدا تُہاکُوں سڈیا تاں تُساں کیا ہَوے۔ تُہاڈے ءچوں بہُوں گھٹ دُنیا دی نظر ءچ حِکمت آلے، بہُوں گھٹ اثر رکھنڑ آلے تے بہُوں گھٹ وڈے خاندان آلے ہَن۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یعقُوب 2:6

پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

متّی 18:3

تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

متّی 5:20

کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

متّی 19:22

پر او جوان ایہ گالھ سُنڑ تے غمگین تھی تے چلیا گِیا کیوں جو بہُوں مالدار ہا۔